%% الاثنين 2:50 صباحاً %%
عقب ما خلصت سهرتهم اللي تعودو عليها شرات كل ليله ... و في الوقت اللي الكل سارو فيه و ما تم غيره هو و ناصر ... سار عمر حجرته و ياب الشنطه اللي تعود كل الليله قبل لا يرقد يتأمل اللي فيها و ناصر يطالعه بسخريه و هو ياي من الحجره و الابتسامه شاقه الويه ...
ناصر: اخرتهم هالفلوس بينصرقن من كثر ما انته مستانس عليهن ...
عمر بانفعال: جب ... فال الله ولا فالك ... عافانا الله شو بلاك انته جي حسود؟؟
ناصر: يا عمر يا حبيبي لا تنسى انه لي نسبه من اللي عندك ...
عمر باستهزاء: انجب يالله قال حبيبي بعد ... لا تخاف حقك محفوظ ...
ناصر: بس بعد ما أمن عليك ... بس يبالي افكر وين اوديهن هالفلوس ...
عمر: خلهن عندي لا تخاف ما بسرقهن ...
ناصر: قصورك بعد تصرقهن؟؟
عمر: عن الغلط عاد ...
ناصر: سير زين ...
عمر و هو يحسب ربطة الفلوس اللي تناولها من الشنطه: احلى شي ف هالشغله انك تحصل كل شي كامل و كاش ... اشكرك يا خلود على ويه الخير اللي يبته لنا ...
ناصر: ويه الخير ما عاد يباك ... الظاهر شايفتلها شوفه ثانيه ...
عمر: خلود بعده مصمم يسفرها ...
ناصر: شكله جي ...
عمر: انزين ما قلتلي شو قال لك يوم سرتله ...
ناصر: ما قال شي ... بس يلس يعطيني محاضره طويله عريضه ... شكله تاب الاخ و صار من اخواننا المسلمين ...
عمر ضحك باستهزاء: ههههههه ... لا يكون مشت عليك التمثليه؟؟
ناصر: والله عاد تاب ما تاب هاي مشكلته ... انا ما يخصني فيه ... المهم اني احصل اللي اباه بدون ما ارجعله ...
عمر: هذا ويهي ان ما رد شرات اول و اخس بعد ...
ناصر بحماس: بكم تراهن؟؟
عمر: هالسوالف البطاليه ما تمشي وياي ...
ناصر باستهزاء: قول انك خايف ...
عمر: حدك عاد ... مب انا عمر ولد (.....) اللي يخاف من واحد شراتك ...
ناصر: يالله عيل اثبت شجاعتك و راهن ...
عمر بتحدي: انزين ماعليه ... اراهن بنصيبي من اللي في هالشنطه ... الفايز ياخذ هالفلوس كلها ... زين؟؟
ناصر بخبث: افا عليك تم ...
عمر و هو يطالعه بخبث: اوكي بنجوف منو بيفوز انا ولا انته؟؟ بس هاه ... اذا خسرت ترضى بالخساره مب تيلس تسويلي سوالف؟؟
ناصر: هههههههههههههه ... انزين اصبر و بتشوف ...
*~*~*~ نهاية الحزء العشرون ~*~*~*