[راشد الصليحان]

اقتباس:  المشاركة الأصلية كتبت بواسطة عيون الصقر     الحمدلله انا ما ادخن لكن سيجارة المارلبورو الاحمررائحتها امممممم تخلي راسي يقول ززززززز مدري وش السبب الا ان احس انها منعشه ، اول يقولو ان التدخين سبب للسرطان الحين السرطان واصل الاطفال ومايعرف المدخن وصاحب السواك وفيه شياب اعمارهم بالثمانينات يتعاطون المارلبورو ، شواهد كثيرة تقول ان التدخين يمكن التشافي منه لكن ماقد شفت انسان خايس في طباعه تشافى مجتمعنا يحمل صورة نمطية خاطئة عن المدخن ، احد كبار السن المدخنين من المعارف يقول كان المدخنين في نجد بالماضي لايملكون التبغ الا نادر ويزدهر وقت الحج وكان هناك من يحصلون عليه بالمقايضه من الحجاج العراقيين خصوصاً الذين يحضرونه معهم باكياس عبارة عن اوراق مجففه فيقوم هؤلاء بالشراء اوبمبادلته بالتمر او الحماية الامنية او المساعدة او الاستضافة وكان النجديين يستخدمون ساق الماعز بعد تفريغه وتجفيفه يقومون بحشوه بالتبغ واستخدامه كسيجارة وكانوا حريصين على الخروج للعمل بالكويت والزبير واحدهم يرسل رساله من الزبير لربعه ببريده يخبرهم باحواله وبدأها بقهرهم انه لاينام الليل من السعال من كثر مايشفط من التبغ الطازج ويحلف لهم انه ينفث الدخان بالشارع وبعد شيوعه كانوا يخرجون من البلدة مجموعات قليلة ليمارسوا التعاطي والعودة مرة اخرى للبلد.

عيون الصقر ..

والله انك مانتب صري !! تدري وشي (صري ) ؟


هههههههههههههههههههههه

اجل زقارة المالبورو تخليك تستأنس ؟؟ تدري ليش ؟ يمكن الشلة اللي حولك يدخنون وتعودت على ريحة التتن ...!!

شف الحين اللي قليل يشم رائحة الدخان ..إذا شم ريحته بالمصادفة ..يعتبرها أسواء من رائحة الصرف الصحي أعزكم الله ..!

إذن المسألة ياعيون ...تعود ..!!


باقي كلامك كعادتك درر ...أوافقك عليه

هلابك ياغالي