[أمــ الحب ــير]

حبيت غرشوب ولعني ولوعني
واسقاني الحب في كاسه واشقاني
دلوع ما ادري وش الي فيه ولعني
كل ما تركته أعود لدنيته ثاني
إن قال احبك يحاول ما يسمعني
يلعب بأعصاب قلبي بس يهواني
لكن ساعة يدلعني يدلعني
ويقول احبك وميت فيك يا فلاني
ماشي في الكون عن شوفته يمنعني
إلا النظر لو يفارق مقلة أعياني
من دون مشعر له الأشواق تتبعني
وأظن حتى بحلم النوم يلقاني
حسن الغراشيب لو فتان ما يعني
بالنسبة لي شي غيره نقوة اوطاني
حبيب قلبي أنا غرشوب لو عني
ما أنساه لحظة ولا هو لحظة ينساني