[رتاج]

طيب يا اخوان انا كتبت موضوع المشرفين بسرعة عشان انهي الموضوع الاول
بناء على رغبة احد الاعضاء .
.................................................. .................................................. ....

ابغى اذكر لكم يا اخواني الافاضل قصة ابغى اشوف رايكم فيها والله العظيم هذه القصة حصلت لي شخصياً تقريباً قبل شهر
مره رحت برج العبيكان ابغى محل اكسترا محل اكسترا هذا محل معروف له خمسه فروع بالمملكة لما دخلت المحل ابغى اشتري من عنده لاب توب تمام لفت انتبهي وجود اعلانات
عن دورة للنساء مجانية داخل المحل جلست اقرأ الاعلان عدة مرات ابغى استوعب والله لدرجة اني جلست اتهجى الحروف يمكن انا غلطانه لان المحل رجالي كيف يكون هنا دوره للنساء
بعدين رحت اسأل العمال في المحل عن الدورة عشان ابغى استوعب .
قالوا دحين يجي المسؤل عن الدوره ويفهمك بعدين جاء المسؤل وقال ممكن تجي معاية عشان افهمك عن مضمون الدورة قلت طيب .
حتى والله اخواتي يقولوا خلاص يا رتاج نبغى نقضي بسرعة قلت لازم افهم الدوره اللي في المحل فأخذني في اخر المحل في غرفة فيها سبوره وكراسي دخل فيها المسؤل وقال ادخلي انا بصراحة خفت رفضت ادخل بعدين وقف عند الباب وبدأ يتكلم عن الدوره المجانية وتشمل كمبيوتر ،،، تحميض صور فتغرافية ،،، فنون الطبخ وندرس في هذي الغرفة للي داخل المحل واللي تدرسنا طبعاً حرمة يقول طبعاً ندخل هنا ونقفل الباب علما ان هذه الغرفة داخلها في باب بس ما ادري فين يودي ويكون موعد الدراسة من 9 صباحاً الى وحده ظهراً وهذا المحل كله رجال
بعدين فتح الدفتر قال هاتي اسمك عشان اسجلك طبعا انا ما ابغى لكن استغرابي خلاني اسأل
قلت له افكر بعدين اجي اسجل قال انصحك دحين تسجلي عشان المقاعد محدوده .

طيب ليش الدوره هذي داخل محل كله رجال وكمان هذي الدوره مجانية ليه ما خلوها للشباب
مدام ان محل اكسترا يبغى يعمل عمل خيري
طيب اذا كان لازم يبغى الدورة للنساء ليش خلاها في السوق ليش ما وفر للنساء مكان آمن
معقوله ان الحكومة راضيه عن فعل اكسترا او ما تدري .