الا ياوقت وين الي على بالي يجي ويروح
هذاك الي ملك قلبي وتفكيري ووجداني
أموت بطيفه الي لا لمحته تنتشي بيروح
أحس إني إذا شفته كأني بعالم ثاني
أحبه والأمل باني في قلبي من غلاه صروح
حبيبي لو يمر طيفه يبدد ماضي أحزاني
أحبه حب لو يدري عن الي بخافقي من بوح
نسى كل الزعل وارخص حياته دون حرماني
تحملت الخطا منه وإذا أخطى بعد مسموح
حبيبي ما عليه ازعل إذا أخطى وخطاني
تذكرته وانا ناسي ونسيته والوفا مجروح
غريبة حالتي والله وهو ذكراه نسياني