[هين هين]

انا اقلك السبب ياراشد حسب معرفتي المتواضعه

هناك عدت اسباب

1- البنت
2- الشاب
3- الأب
4- الأم
5- المجتمع

1- البنت السبب الرئيسي في تكدسهن في البيوت والحجج الواهيه

البنت ابي اكمل تعليمي الجامعي

ما ابي اتغرب ابي ديرتي

وين يشتغل وكم راتبه

ماابي اسكن مع حموله ابي بيت لحالي

امه حيه

اسمه شين

شعره عكاريش
وخذ وخل من الأعذار

الشاب
ابي بيضه ونحيفه وطويله وجميلة وشعرها ناعم ... صعب تجتمع

ابيها صغيرة وموظفه ... مدري شلون تيجي

ماابي من الأقراب

مابي اتزوج هلحين

العرس مسؤليه

يبيلي كم سنه اجمع روحي

وخذ من الشروط والأعذار

الأب منهي بنته ؟
بنت ابوفلان لالالا مايصلحون عمها اقشروالعرق دساس
وذولا ماهم من ثوبنا ولاحنا منثوبهم ... المسئله ثياب ومستويات

وهالعايله فوق شايفين ارواحهم... حرنابك

الأم

امها عقرب

اخاف بكره تطلع هدب عيون وليدي
البنت ماتعرف تطبخ يوقولون شغالتهم هي يلي تطبخلهم
وذولا بنتهم عصلا
وبنت فلان امها اجنبيه.. سوريه مدري مصريه غير عاداتناوتقاليدنا ماتصلح

وياكثراعذار الأم

المجتمع

هاذا حاجر على بنت عمه ... يعني ملكه

هاذا خطه غيرخطنا ... الدعوه كهرب

وهذا قبيلته معاديه قبيلتنا من قديم الزمان... يعني ايام داحس والغبره

هذا بااختصار شديد ياراشد على موضوعك الشائك

لك تحياتي