اتنين مصريين سمعهم تقيل جدا واقفين على محطة الاتوبيس ودار الحوار التالى
الاول : الاتوببس ده بيروح مصر الجديدة
التانى: على الحديدة !!.. ليه انت طالب احسان
الاول : بدرة الكتان !!...لا..دى تلاقيها عند العطار ر
الثانى: جزار!! اه قوللى كده ..عايز نشترى لحمة
الاول : معك حق ..الدنيا زحمة ..عشان ده ميعاد خروج الموظفين
الثانى: نور الدين !! لاوالله ماعرفوهش
الاول : ما بنشربوش!! ليه كفا الشر
الثانى: راس البر !!! ده مصيف هادى
الاول : عايز تركب المعادى ده منطقة جميلة
الثانى: بليلة!! انت شكلك كده جعان
الاول : عيان !!! اى والله انت باين عليك ..طيب ماتروح للدكتور
الثانى: الحنطور !! ده احسن من الاتوبيس , وبيوصلنى لحد الباب
الاول : هباب !!! وانا اللى كنت فاكرك محترم
الثانى: اتخرم!!! هو مين
الاول : عاوز اسبرين !ليه انت عندك صداع
التانى: قراع!!! ينهار اسود . ده مرض خطير
الاول : فطير!! لاوالله مش عايز . وبعدين مش باحب الفطير ..تقيل على المعدة وتمنه غالى
الثانى: خالى !!! انت تعرف خالى ؟ ده راجل كبير فى السن
الاول : الجن !!! نهارك مش فايت .. انت عليك عفريت
الثانى: لا و الله ..ممعاييش .. انت عايز الكبريت ليه عايز تولع ؟
الاول : ادلع !!! ادلع عليك انت ؟ انت ماتملاش عليا
الثانى: يقبضوا عليا !! ليه
الاول : انت غريب راجل انت شحات ,(يدفعه من القميص) روح استغل شغلة تاكل منها عيش
التانى: خيش!!! والله ده صوف انجليزى
الاول : بنتك زيزى!!! ربنا يخلى ....
التانى: انتاج محلى !!! ده مستورد
يمر شاويش ... يلفت انتباه الحوار : بتعمل ايه ياجدع منك له
الاتنين.. ايوه ياشاويش ... احنا مستنين الاتوبيس
الشاويش ... جواسيس !!! نهاركم مش فايت ... قدامى على القسم بسرعه
الاتنين... جرعة مين اللى هايتطعم ههههههه