لـــــــعــيون ســــــــــــاره
لعيون سـاره تشرق الشمس وتغيــب؛؛؛نبض الحيـاه بخافقي من نظرهــــــا
بنت القصيد اخت النجوم المراقيــــب؛؛؛سود الليـالي المعتمه هي قمرهــــا
قلبي تعذب يالعطيفي شف الشيـــــب؛؛؛من زود همي في خيـالي صـورهـــا
ذيك العيون الحور عكش المهاديب؛؛؛ومجدول ليلٍ لاستدارت سترهـــــــــا
لاوقفت بين البنـــــات الرعابيــــب؛؛؛برقٍ يشع النـور بصافي نحرهـــــــــا
اشفق على شوفه وبرسل مناديب؛؛؛ولاحدٍ يجيب العلم ولاحدٍ ذكرهـــــــــا
وان ماحصل شوفه بكتب مكاتيب؛؛؛موتي دنا والروح جاها قدرهـــــــــــا