[:: ابعـاد ::]

.

.

ظهيرهـ مباركهـ للكــل ..

اذكر في سنهـ ثانيهـ متوسط كانت عندنا حصة فراغ زي مايقولون !! (( من زين التعليم عندنا طبعاً ))

المهم كانت وحدهـ من الطالبات جالسهـ توهجس على الباب وراااايحهـ بعيـــد في التفكير وكانت تاكل حب

فجأهـ وبدون سابق انذار جاها كف على طريقة إنا وجدنا أباءنا على أمة

طبعاً الكف ليش انها تاكل حب يبدو انها تتعاطى عشان كذا جاها كف !! عياذاً بالله من هكذا عقول

مسكينهـ هذي البنت والدتها متوفيهـ وعايشهـ عند ابوها وزوجة ابوها وجداً مؤدبهـ وخلوقهـ

ماتحملت الموقف خصوصاً ان الكف جاها امام الجميع

غابت ثلاثهـ ايام عن المدرسة وتحطمت نفسيتها ورسبت وتفرقنا بعدها مدري هل فصلت او انقلت ..

المهم راحت الأيام وكنت آمل بحكم ان الكليه تجمع ناس تفرقوا اني اشوفها .... ماشفتها

رغم اني حرصت اني الاقيها لكن للأسف يبدو انها ماسجلت اصلاً ..

بعد فترة من الزمن شفتها في احد المتنزهات وبالكاااد عرفتها بحكم السنوات ...

وبعد السلام والسؤال عن الأحوال سألتها عن دراستها قالت فصلت من ثانيهـ متوسط ولازلت ادعي على صاحبة الكف ..

******************

صاحبة الكف راحت لبيتهم وتغدت ونامت وصحت العصر مستناسهـ وتقهوت وماجابت خبر احد

اما الطالبهـ فقد تم اعلان نهاية مشوارها التعليمي بكف من انسانهـ جاهلهـ ....

.

.