اف اف اف
هههههههههههههه
والله مجرم القرش هذا
لا اله الا الله .. والله الصوره تروع
ممكن اقولكم قصه حصلت لي مع القرش ؟
مره كنت في منطقه اسمها ( شعيبة )
هذي المنطقه قريه صغيره سياحيه قريبه من جده
هذي فيها منتجع سياحي .. الي يمثل فيه بابا فرحان برمضان هههه
المهم كنا جالسين بالمرسى وكان فيه صقاله طويله تدخل جوى البحر وفيه مقهى تجلس فيه
قال واحد جالس بالمقهى ترا كثير بالليل يجي هنا سمك القرش لان المنطقه بالبحر عميقه ومافيها حركه
المهم انو حطينا ربع ذبيحه في سناره سوينها قويه
وجدعناها في البحر وكان فيه فلبيني جالس يصيد سمك .. وصيناه انو اي وقت يتعلق في السناره شي يصوتلنا ورمينا السناره وجلسنا بالمقهى
المهم الفلبيني صار يصوت تعال تعال تعال
جينا نركض وصرنا نسحب السناره وكان عالق فيها شي واضح انه عنيد بقوه ومو راضي يطلع مع ان الي كان يسحب السناره والسلك 2 من العيال
المهم اجتمعت الناس وصرنا نتعاون على السناره مع بعض لين جبنها ( واذا بسمك قرش حجمه وسط يعني اقصر مني بشوي ) والله شكله متوحش ويخزف .. طوالي لما سحبناه جريناه من السلك بعد ما تعب وبعد عناء دام حوالي ساعه من السحب والسحيب
وحطيناه في مسبح تحت المقهى والمسبح هذا جوا البحر طريقته محطوط عشان يسبحون فيه الناس ومطل على البحر
بصراحه كان شكله جدا يخوف وكان الوضع حماس وانواع الدبره واللخبطه
هذا الموقف مستحيل انساه
لما جاء صاحب المنتجع قال ابغاء اشتريه منكم عشان الظاهر بيحطه منظر .. عاد بعناه ليه بس ما اذكر بكم
شكر عشان خليتني اهمق في موضوعك