هذا اقتباس من أحد الأعضاء
إذا تبين الفرج يالعجوز اللي منتب شريرة
ففرجك و فرجنا عند رب العباد عمره ما راح يكون بيد ذيك أو ذاك..
تبين سالفة شهدتها و أعرف من وقعت له تمام المعرفة ..
هذي حرمة صالحة أحسبها و الله حسيبها قرب ولدها البكر من التخرج ..
و هو وحيدها .. قالن لها صديقتها : الحقي على ولدك قبل ما يتخرج و يفتح الديوان تلفتي له واسطة قوية لأن تعليم البنين شديدين مهب مثل البنات ..
و قالت لها الثانية : إي و الله ..أخبر لك ولد أخوي متخرج العام من قسم ولدك و هو ممتاز متعين (مدري وين المهم بقرية بعيدة)
قالت الحرمة أم الولد : واسطتي هذا .. (تأشر إلى السماء) رزاق الحييا بالجحور
و ما زادت على كذا..
و تخرج الولد بتقدير (مقبول) و توظف ببريدة بمدرسة يحلم أفضل المدرسين التدريس بها..و بعد التعيين كتب الله له الترسيم بعد شهرين من استلام الوظيفة
لا إله إلا الله .. توكلي على ربكـــ و مهب موفقين اللي سلبوا الناس حقوقهم ..و فرصهم ..
و إذا تبين الوظيفة اطرقي باب ديوان ربك تراااه فاتح كل وقت ..و يتسع للكل .. و لا يحتاج لملف أخضر علاقي
..و افعلي الأسباب
و الله يوفقنا و إياك