إنخطف قلبي وانا بوسط الزحام
شدني نور وقلبي له وصل
عينها اليمنى تبادلني السلام
وعينها اليسرى أبادلها الغزل
والرموش الي رمتني بالسهام
هي سهام الحب وقلبي ما احتمل
نظرة إعجاب ويكفيها الغرام
صابني حبه وصابه بالمثل
جيت ابتكلم وأثر من الكلام
يحرج المحشوم ويزيده خجل
آه من حب هو صعب المرام
منية العاشق وله محد وصل
وشفت هالدنيا عقب نور الظلام
اختفى واحترت وفكرت بنهل
هل هو علم ولا حلم في المنام
امتلك قلبي ومن شوقي رحل