[جورينا]

السلام عليكم ورحمة الله وبركاته ؛؛

صباح الجوري لكل رواد المجلس ؛؛

كوين بريدة ؛؛ حياك الله غاليتي في مجلسنا ؛؛

اقتباس: فرفر الى هالحين ندرس ونكرف اصبري شوي مابعد خلصنا .. اسأليني هالسؤال بعد سنتين واجاوبك

الله يعينك يارب ويوفق ان شاء الله وتتخرجين وتنبسطين بقعدة البيت ؛؛ تصدقين يابعدي انواع المواقف اذكرهن صارت لي ايام الامتحانات خاصة يوم كنت بثالث ثانوي رهيبة ذيك الايام والارهب تسريب الأسئلة بشكل غريب ؛؛

كوين بريدة ؛؛

شوفي يابعدي بقولك سالفة وحده مع الغش ؛؛ الله يذكرة بالخير ؛؛
اذكر قصتها أيام ماكنا ندرس في المتوسط وكان عندنا امتحان لغة انجليزية وهي معروفة عندنا بالفصل ان
It is known that the culture in English nonexistent Mataraf only yes and no
المهم يوم وزعت علينا الأسئلة كانت جالسة قدامها طالبة متفوقة عاد هي انبسطت قالت تمام للغش المهم كان في بداية الصفحة حقت الامتحان الاسم ونقط عربي ومقابله Name ونقط بالانجليزي
البنت المتفوقه كتبت اسمها بالانجليزي وبالعربي عاد هالفالحه غشت كل شي بالورقة حتى اسم البنت اللي بالانجليزي تحسبة جواب لسؤال ؛؛ شوفي بعض أساليب الغش تجيك بغباء مهب طبيعي ؛؛
وتخرجت هالبنت وعادي عنده موضوع الغش ومؤيدة له والحين تُدرس على بند وسألته مرة قلت له لو تشوفين بنت تغش وش تسوين به قالت عادي أخلية تغش ؛؛

اقتباس: وش يحس فيه الحين ؟ يحس انه ندمان والا لا ؟

جواب سؤالك هذا ورد في القصة ؛؛

شمس الرياض ؛؛ حياك الله حبوبة ؛؛ وشلونكـ يابعدي ؛؛

اقتباس: ولكن في راي الخاص ان نسبة الغش لدى الطلبة اكثر بكثير من الطالبات !!!

لا؛؛ اتوقع أنه نفس النسبة ؛؛ تصدقين مرة كنا نمتحن بقاعه فيها عدد الطالبات حوالي 100 طالبة او اكثر المهم وبما أني من صاحبة الحروف الأبجدية البعيدة دائماً نصير بأخر القاعه واذكر هالسالفه يوم كنت برابع كلية وبجنبي طالبة بالفرقة الاولى وبما اننا بعيدين جداً عن أعين المراقبات بحكم وجودنا باخر القاعه ومتى تمر المراقبه كل ربع ساعه المهم أنا خلصت الحل بدري وللحين ماجاء وقت تسليم اوراق الأجابة جلست أتفرج على البنات اللي يحلون وتطيح عيني على وحدة تخيلي وشلون طريقة غشه كاتبه الأجابات بمنديل أبيض ضحكت عليه وعلى طريقته وحمدت ربي ؛؛ المهم تحلفين ان المنديل طلاسم سحر كله أزرق بأزرق ؛؛