جت تبي تلعب علـي مبرقعـه
واقفه بين الحقيقـه والخيـال
جت بلطف وذوق جت مدلعـه
قالت اسمح لي عزيزي بالسؤال
خفـت انـا اضيـع بالزوبعـه
خايف اقول يمين والحلوه شمال
وتبتعد عني وتمشـي مودعـه
وترتجل هذيك وتشـد الرحـال
ناظرتنـي بالعيـون الموجعـه
قالت ابد قلـت ابـدي بالمقـال
قالـت أي نــادي تشجـعـه
قلت اشجع النصر واحب الهلال
أي نـادي تشجعينـه اشجعـه
اعشق اللي تعشقينه يا خيـال
قالت أي فنان ترغب تسمعـه
قلت ابو نوره وميت في طـلال
أي مطرب تسمعينـه اسمعـه
واستمع لاحلام واقـدر نـوال
قالت اصلك قول وشهو مرجعه
قلت جنوبي ومن اهل الشمـال
ولي نسب شرقي ابوي موقفـه
وفي الغرب اذكرلنا سابق حلال
قالت اسمع كم واحـد واربعـه
قلت مدري صعب بالحيل ومحال
أي رقـم تطرحينـه بجمـعـه
والنتيجه حلـم يابنـت الحـلال
قالت تحـب الربيـع بمطلعـه
او هوايتك الخريف اللي يقـال
قلت انا اهوى الفصول الاربعـه
كلها عندي سوا فـي أي حـال
ما خذت منـي اجابـه مقنعـه
واستدارت كنها بـدر الكمـال
قالـت انـت هرجـك معمعـه
دخت انا وياك يا ابـن الحـلال