مي
مساك الله بالخير
ذكرتين بزوجتي الله يمسيه هي بالخير بعد ..
تقول لي دايم إني أحب القراءة ومولعه به بس مشكلتي مالقيت الكتاب اللي يناسبن ...!
ونا أقول له لو كنتي صادقة كان لقيتي بس المشكله انك تدعين شي موهب بك ..! وعلشان اثبت لك انك يازوجتي العزيزة ماانتب صادقه أبي أروح بك للمكتبات ونشوف ... !
المهم .. تقطعت رجليني أنا وياه علشان نشوف هالكتب السرية اللي تحب زوجتي تقراه وغير معروف أسماءه
رحنا لجرير والعبيكان وغيره بس عجزت تقرر تشري كتاب واحد ... وكل ماقلت له ليش ماشريتي تقول مالقيت اللي يناسبن وبعدين أنت السبب ماتعطين وقت كافي ....... !!
قلنا مايخالف نعطيك وقت كافي .. ! خوذي راحتك يابنت الحلال ... ! بدت تسنتر عند كتب الطبخ ! تتصفح الكتاب ساعة وبعدين تقول مابيه ! كل المقادير غير معروفة .... ! وبعدين تقرر ماتشتريه !
المهم بطلت حجتها لكن الإدعاء لايزال باقي ........ !!
مع إني دايم أقول له يابنت الحلال موهب ضروري انك تحبين القراءة ! كل انسان وهوايته ... ! ونا أقول لك نفس الشي يامي : القراءة هواية إذا كانت ماتناسب شخصيتك مافي داعي تعسفين شخصيتك على شي ماتطيقه ......!
آخر كتاب شفته معه وهي على فكرة من الحالات النادرة اللي أشوف بين إيدينه كتاب قبل يومين وهو عن أسرار الحريم بس مارضت إني أطّلع عليه ... تقول : أسرار حريم وش دخّلك أنت .... !
بالتوفيق للجميع ...