أشتاقلك وأهواك وصل وقطاعه ... وأشتاق لك شوق الصحاري للأمطار
وأشتاق لك في كل لحظه وساعه ... أنت الربيع وشوفتك تنبت أزهار
فيكم هوى قلبي يزيد أندفاعه ... حتى عبرت بحبكم كل الأخطار
ماغير صوتك ينطرب لي سماعه ... ماغير وصفك فيه الأفكار تحتار
لاشفت نور الخد يضوي شعاعه ... مثل القمر لالاح في وقت الاسحار
لاسلهمت لأجلك فقدت المناعه ... يتوق قلبي منك ويبوح الأسرار
حبك ملا عيني وقلبي قناعه ... مابي سوى حبك لو صار ماصار
تامروقلبي قال سمعا وطاعه ... مثلك يلبى مطلبه لو بالأعمار