ياعزيز الروح حبك صـار هـو روح الليالـي
والليالـي صـار حبـك بوحها صبـح وعشيـة
لاتقول اشلون قلبي صـار فـي دنيـاك غالـي
والله إنـك فـي عيونـي سيّـد قلـوب البريّـة
ايه احبك والمحبة اسرفـت فـي جـرح حالـي
أعترف والشوق حارق كنـه بروحـي شظيـة
ياحبيبـي ماعشقتـك مصلحـة والاّ تسـالـي
ولاعشقتك من فـراغ وخافقـي يشهـد عليّـه
إنت من خليت قلبـي يفرضـك داخـل مجالـي
بإهتمامـك وابتسامـك وبغرامـك والحمـيّـة
وفيك ياخلي براءة طفـل فـي طبعـه مثالـي
رقتـه هـي راس مالـه مايعـرف العنجهيـه
وفيك ياخلـي عذوبـة نهرهـا دايـم زلالـي
والضما والـريّ حبـك والطهارةبـك سجيّـة
صادق ماشفت زيفك ومثل صدقك ماطرى لـي
يابعـد كـل الخلايـق خافقـك ماشفـت زيّـه
ياحبيب الروح شعري وإن كتب يـاراس مالـي
كلهـا لعيـون قلبـك يابعـد قلـبـي شـويّـه
بأختصرلك طول شعـري بالغـلا اول وتالـي
واسمع البيت العميق وشـوف حجـم الشاعريـة
إنت شمسي في زماني وإنت حلمي فـي خيالـي
وإنت طهر العشق فيني وإنت نبض القلـب فيّـه
يعني حبك في حياتـي واقعـي وأحـلام بالـي
أكتبك بالروح فينـي وأطبعـك بعـروق حيّـه
هاك ذا بوح الحنايا جاك مـن عشـق ٍ جرالـي
أكتبـه لعـروق قلبـك واقبلـه منـي هـديّـة
أماأنـا لوهوبكيـفـي ماتركـتـك ياظـلالـي
ولاتركت البُعد يلقى في ظروف الوقـت فيّـة!
وإن بغيت الصدق حبك صاير(ن)فوق احتمالـي
والشعور اللـي بقلبـي فـوق حمـل الأبجديـة
بس واللي حط قلبك بيـن كـل النـاس غالـي
لأحفظك واشيـل حبـك فـي حنايـاي الوفيّـة
إيه أنـا رجـل وفـيٍ ماأخـون اللـي وفالـي
وإن عشقت انسان اضحي غصب عن عين البريّه