عيون الصقر وش سالفتك انت منووووووفس ؟؟؟
بالله مته تسرح عنزتك ؟
قاهرني انت وخشمك الكبير ،، انت الي متغير مو المنتدى
بالله خل حمودي الكلب خويك يجيب عندك مرايه عشان تعرف وضعك و من اي فصيله عندما تعجب بنفسك ،، على الله يطلع معك كائن أليف مو مثل حمودي ..
كاااااااكاااكا
يمديك ع الحشه >> احسن عشان اخشن
شوف عيون الصقر علاجك هو الزواج وشفني اقولها وانا كاره هالعلاج
بس الله يخليك اذا تزوجت مو تصك بالمنتدى الجدار وتنسانا مثل انسان ثاني و the-moon
من بعد العرس مالهم حس ولا لس .. ماساكين زوجاتهم صاكين عليهم
ذكروني بقصيدة الشاعر عبدالعزيز ابانمي من اهل المجمعه يقول /
قال العزوبي يوم شاف المعاريس
الرابح الي لا قعد مايقومـــــــــي
او سنه كلن يبث الاحاسيـــــــس
وثاني سنه تقلب عليه الهمومــي
وثالث سنه حط الرمل والمتاريس
لابد من حرب تقوم وتدومــــــــي
لامن دخلت الدار ماكنها الا بليس
متلفلفن في غاليات الهدومـــــــي
تاخذ من المخباه وتسحب من الكيس
وتغير الموديل شين لزومـــــــي
وان قلت ماملك يامره لوهو فليس
قالت تدين لاتكثر بلومـــــــــــي
ولاجيت مره ناوينلك بذاك ... !
قالت تصبر خل قلبك رحومــــي
ليتك تساعدني تصحح كراريــس
زادو علينا اربع حصص العلومي
زواره بالعصر والصبح تدريس
واليل تصحيحن وودي انومــي
تبكي اذا جاها وجع لوهو ضريس
وتقول ابي دكتور ماهو حكومي
يروح عمرك بين عرسن وتأسيس
واربع سنين والبزارين كومــي
وسط المطابخ بين قز ومحاميس
هذا صحن رز وهذاك ثومـــــي
وليا خلصت منضفن الملاليــس
جتك تقول انهج زود لومـــــــي
ولاجبت قالت اكنس الحوش تكنيس
خل البلاط يصير مثل النجومي
ومكرسن جهدك من الخوف تكريس
وان نادتك بالصوت اقبلت تومي
يجيك تالي الليل دايم كوابـــــيس
ويشيبنك مزعجات الحلومــــي
هذي حياة الي ركض باغين ذيك
ضيع حياة اول وصار محرومي
تعيش يالمعرس حياة المحابيس
شف العزوبي بكل شارع يحومي
من مفرق جلاجل الى جويل الخـيس
وان حار حايرهم بسطه يعومي
يفرح اليا شاف الوتر والمراويس
في كل يومن كاشتن ومعزومي
شف العزوبي مايعرف الهواجيس
ولا يودي حرمته كل يومـــــي
ياعنك ماحاش الفخر والنواميس
الا عزوبين يعرف السلومـــــي
اليا اعرس المعرس غداء عندنا هيس
ونزيل اسمه من سجل القرومي
واليا بغيت البهذله والدحاويــس
فعرس وخلك من اعداد الرخومي
وش صابكم من عرسكم يالمفاليس ؟
وش استفدتو غير دق الخشومي
الي تزوج اشهد انه غدى تعيس
والرابح الي ماخذنله عمومــــي
ترا عناق العام نطت على التيس
والحر عقب العرس يصير بومي
وسلمتكم
...............................................