إلا صادق وأنا معك بااللي تقول ...
المفروض البنت يغطونها على حسب جسمها وطولها مو صفّها ...
أذكر مدرسة النكد خلونا نتغطى برابع ابتدائي .. لوهي عباية كتف وحجاب كان ياسلام ،
بالعكس يشكرون عليه ..!
لكن عباية راس مع غطوة (الي وحنا كبار مانصدق تقضي عمرتنا عشان نشيلها) قمة الظلم الممزوج بالغباء وقلة الدبرة.
والله ما أذكر إننا نتغطى عشان الدين ، نتغطى كله خوف من الإدارة ..
والي قاهرني لليوم وودي أعيد الدنيا عشانه : كنت مصدّقة إن الغطاء لازم وإني لو أنشاف بمكان عام من قبل أي مُدرّسة بيتشرهون علي ..!
كنت أمشي مع أمي بالسوق وأنا على أعصابي لايشوفني أحد ..مع إني ألبس كاب ..!
بس ولو ... ماتغطيت...!
منقهرة إني (ماحللت الفتش) ... ما أخذت راحتي ..
لأني كنت أحسه خرق للقانون ..!
مادريت إلايوم كبرت إني ذاك الوقت كنت طفلة ويحق لي أنبسط ..
بس وش عقبه راحت علي ..
حتى إني أذكر يوم كنت برابع كان عندنا انتظار وفيه أبلتين يسولفون معنا بالفصل .. جت بنت وقالت :
ترى فيه بنااات يتغطون بالمدرسة وإذا راحوا مع أهلهم لمكان ثاني مايتغطون ..!>>>أبوك ياالتفتين
قاموا هالثنتين ناظرونا نظرة (يا اللّعّابات ..!) وهذي النظرة رسّخت فيني أكثر إني (خارقة للقانون) وقلت الحمدلله إنهم ماقد شافوني ..
وجت بنت قالت وبصوت مسموع (أنا كذا ما أتغطى إلا بالمدرسة) مدري ليه حسيتها (انتحارية) .
في النهاية ....... أنا مو ضد الغطاء ... بالعكس أأيّده ، لكن بالتدريج .