[ابوخالد382]

اقتباس:  المشاركة الأصلية كتبت بواسطة ام ارجوان     وه يالشايب كل هذا اجرام شكل اسرائيل تاخذ الخطط منك صادق يابو خالد ليش كذا اطفال الوقت أذكر حنا يوم كنا صغار اذا شفنا احد اكبر منا وسعنا له المكان أو قمنا وجلسناه وكنا نحترم العالم قوه هذولا لا مايحترمون أحد أبد بصراحة افعالهم وطبايعهم عجيبة اطفال الوقت ياسلام ذكرتن باللعب ونسوي عرايس بالقراطيس ونحط المنديل شعر له وعود الاسنان يدين ومتقاولين مع الخياط أنا وبنت خالتي يجيبلنا اللي يبقى من الأقمشة ومن كرتون التايد دولاب والكبريت نحط عليه خيط ونسوي فيه شنطة اثرنا اذكياء منول بس مافي احد نمى المواهب اللي فينا ولا كان وشي اليابان عندنا عاد لاتحسبونن عجوز تراه كانت كل الألعاب موجودة في ذلك الوقت بس انا كنت عايشة عند جدتي وكانت الألعاب لها طعم مو مثل اللحين احس الأطفال مايفرحون مثلنا يعني حنا كنا أونس منهم حياتنا وفقط ودمتم بود

صدقتي ياخيتي أم إرجوان...أيام زمان تربية حقيقية رغم فارق الإمكانيات ,,زمان المدرس الخصوصي لامكان له رغم صعوبة المناهج,,أما الآن ينفخ بإثامهم ومدرسين خصوصيين ويمكن ينجح...
بخصوص ألعاب زمان...حنا العيال كنا نلعب طبات,وكنا نقطع عسيب نخله ونحطه بين رجلينا يقال له حصان وهات ياركض,,والدنانه ,,,كذلك جالون الزيت نركب له كفرات من غطيان قوارير الببسي...وهالحين نجيب لهم لعاب بمئات الريالات بل بالآلاف ولايفرح فيها ..يلعب فيها شوي ويتركه........دمتي بخير أختي العزيزة.