[مرحبا الف]

لا ليت ان الزمن يرجع ورا و الا الليالي تدور
و يرجـع وقتنـا الأول و ننعـم فـي بساطتنـا
زمان أول أحس انه زمان فيه صـدق شعـور
نحـب ونخلـص النيـه وتجمعـنـا محبتـنـا
زمن مافيـه لا غيبـه ولا حتـى نفـاق وزور
ياليتـه بـس لـو يرجـع ونسترجـع طفولتنـا
صغار قلوبنا بيضـا نعيـش بعالـم محصـور
ولا نعرف أبد أغـراب مغيـر عيـال حارتنـا
صحيح صغار في التفكير ولكن ماعلينا قصـور
نخطـط نكسـر اللعبـه وتسعـدنـا شقاوتـنـا
نروح المدرسه بدري ونضحك داخل الطابـور
نحاول نزعـج العالـم فـي روحتنـا وجيتنـا
وعشان نأخر الحصه نخبـي علبـة الطبشـور
نشاغـب بـس فـي الاخـر تميزنـا براءتنـا
نحب الضحك والهيصه نحب ننط فوق السـور
نفرفش ليه مانفرفش مـا دام الضحـك عادتنـا
ولكن دارت الأيـام و بـان الخافـي المستـور
وصـار الهـم متعلـي علـى قمـة سعادتنـا
كبرنا وصارت الدنيا تصـف أحزاننـا بالـدور
وتهدينا الألم والهم غصب عـن عينـي رغبتنـا
تعبنا من بلاوينا أحـد غـارق و أحـد مقهـور
وكلـن غـارق بهمـه وفـي الآخـر تشتتنـا
وأنا ما اقول غير إلا ياليت إن الزمـان يـدور
ونرجع للـورا فتـره نعـدل وضـع عيشتنـا