[لمبـة شارع]

اقتباس:  المشاركة الأصلية كتبت بواسطة @عيون الصقر@     اسمح لي اتكلم بالقصيمي الفصيح ياقرطبه فيه شي يسمونه صراع المعايير " أرى" (لينقهر المنقهرين) أنه هو الطوفان غير المشيوف اللي قاعدين نعاني منه وهو اللي راح يوصمنا بالمستقبل القريب بالمجتمع المتخلف فكرياً لاننا ساعتها ماراح يكون عندنا هوية تميزنا اصلاً عشان تنتج هالهوية معايير توقفنا افراد وجماعات عند حدنا وش نقبل ووش نرفض الصرح النايف تساوا مع الارض يعني هالصراع مثل العث اوالارضه اللي تاكل اساسات البناء واعقود البيبان ، كان ابتدأ من الطفرة اللي داهمت البناء الفكري التقليدي لمجتمعنا واشتد هذا الصراع من عام 2001 وراح يتحول بعد جيل على الاكثر الى اضطراب في المعايير لابد من خروج الاقوى من احد المعايير السائدة منتصراً يهيمن ويطبع خصائصه على الفكر بقوة سيادة المنتصر ويكون هو المرجع والحكم عاد وش هي المعايير(للمهوين فقط) هي قواعد وانماط السلوك اللي تحدد المتوقع والمعتاد والمناسب والصواب اللي لازم اما نقبل فيه او نقف منه موقف رافض في كل امور حياتنا من الالف للياء. ومواريه باينه كلنا نشوفها الواحد بالبيت معايير وبالشارع معايير بين عشوين اقعد مع امي وابوي اتربى على معايير موروثه اصيلة من عمق عاداتي وتقاليدي وبالليل على النت الاقي من يقول امك وابوك مارين من جنبها يمشون الف ماعندهم سالفه اذا صرت مع المولين وليت واذا مع المصلين اسحب رجولي تحكمني غريزتي ورغبتي وكياني فارغ من معايير تحكمني اسوي مثل مايسوي الناس وهذي هي الطوشه الحقيقية في سالفة المعايير اللي قام يسرحها الفرد والمجتمع تسريح اجرب وابن كلب استاذ قرطبة اتمنى عليك تقرأ عن المعايير وتتحفنا بفوائد الله اعلم ان عندك الشي الكثير لتقوله بعدها ولاعزاء للعرابجه والفكر المقششجي.

وبحكم انتمائي وولائي المطلق للفكر المقششجي الأزرق فأني اشكرك على شرح معنى مصطلح صراع المعايير !!

إذ أني وفق مقششجيتي الصميمة كنت اعتقد أنه الصراع المعاييري هو التنابز بالألقاب...

وتعلم أخي عيون انه أحد ركائز ثقافتنا الصامدة في خضم هذا الاصطراع المعاييري والغربلة المفاهيمية التي عجزت حتى الآن عن تحديد حجم ثقوبها الفارزة ثم تمريرنا نحن ومحيطنا الغباري الففتي سنتيقريت إلى حالة من الفهم الجيد للهوية والثقافة واسلوب الحياة والنظرة للاشياء من حولنا بدلا من وضعنا القشقشي البديع..