.. 1)اذا خلص العرس واتصلت قالت تعال خذنا واذا جيت تاخذها قعدت ساعه ماطلعت واذا طلعت تقول والله زانت السواليف يوم جيت اطلع !!! إذا حضر الزوج ولم يجد زوجته جاهزه بعباتها عند باب القصر وانتظر عشر دقايق ولم تخرج يسفهها ويروح لبيته و اذا اتصلت عليه وقالت له وينك يرد ويقول رجعت للبيت خلى احد اخوانك يجيبك ... 2)تقول الزوجه ترانا معزومين اليوم ونبي نروح بعد المغرب على طول واذا جاء الزوج بعد الصلاة تقول اصبر شوي ماخلصنا لبس وتقعد تنتظر لين يذن العشاء وماتسمع الاصوت الاستشوار !!! في هذه الحاله يروح الزوج ويتركها في البيت على شان مره ثانيه تتأدب و تحترم المواعيد .. 3)اذا ركبت الزوجه السياره وهي رايحه لعزيمه تقول وقف عند البقاله نبي فشاروالا رح لروز نبي حلا !!!! يرد ويقول ابشري يم فلان غالي والطلب رخيص , والرجال يسوق سيارته وما تدري الزوجه الا هي عند بيت راعي العزيمه , يخليها امام امر واقع ... و اذا اصرت ماتنزل من السياره الا شاريه شي من بقاله او محل حلويات , يقول لها ابشري , يسوق سيارته و يرجعها للبيت وينزلها فيه ... 4)والزوج جاي من الدوام ذابحه الجوع ويقول للزوجه وين الغداء تقول توي باديه فيه اصبر شوي توه الرز ماشرب!!!!! يرد و يقول عمره ماشرب , يتركها وغداها ويطقها نومه ويبدأ مايجي للبيت الا هو متغدي و شبعان لمدة اسبوع ويشوف النتيجه ... 5) قايم العصر من النوم ومشتهي قهوه وتنزل تحت وتقولك خلص الغاز عاد يحمق الزوج ويقول وراه ماقلتي ان الغاز الاول مخلص !!!! بعد قومة العصر وعدم وجود القهوه يروح على طول يشتري له سخان كهربائي صغير وكوفي ويبدأ يصلح لنفسه الشغله سهله ... و يتركها ومنتها بالتراب ... 6) يدق الزوج على جوال الزوجه ولاترد واذا ردت بعد ساعه تقول والله ناسيته بالشنطه ولاادري من اللي حاطه صامت !!!! المفروض على الزوج ما يهوشها ويعامله بالمثل , يسفه تلفوناتها اسبوع وكل ما قالت له ليه ادق ولا ترد , يقول ما ادري وشفيني هالأسبوع دايم يكون على الصامت ما ادري من اللي يخليه كذا ...! عاشق ترى الشغله و الوصفه سهله اللي تخلي الزوجه تمشي زي الألف غصبا عنها ... اعذب تحيه للكل .