[Queen of buraydh]

لمبه خلني اقولك تجربتي ..

قبل تقريباً 4 سنوات نويت اجدد غرفتي كلّها .. وقررت اتجرأ واطلع عن الوردي والسماوي والبيج وقلت لأهلي أبغى اسوي الدهان أحمـــر اهلي رفضو بس انا نشبت في حلوقهم .. لحد ما وافقو بدون اقتناع وللحين اتذكر كلام امي لمّا قالت : الله يفشلك احمر ؟؟؟ اذا تزوجتي ندهنها من جديد .. قلت بكيفكم

وسويت اللي براسي ودهنتها احمر وعتقتها بليموني .. وبعد ما خلصت وشافتها امي تغيّر رايها وقالت ياحلو الغرفه تغيرت .. واذا تبي اصور لك جزئيه من الجدار ماعندي مانع ..

بيج ابيض من جد لازم نتجرأ ونطلع شوي عن الالوان التقليديه الممله ..

بس لازم تسوي توازن بين الالوان هذا اهم شي .. يعني اذا سويت الحائط غامق تسوي توازن مع بلون فاتح للارضيه والسقف .. او العكس ..

ادري الكلام موجه لشمس بس تخصص فنيّه لا تلوموني فرحت بالسالفه خخخ

خلني اعطيك نموذج من الالوان اللي تتناسق مع بعض :

الفوشيا مع التفاحي << لغرف الاطفال ( البنوتات )

الأحمر مع الليموني << تنفع غرفة الجلوس للحريم

الليموني مع العودي << ينفع قسم الرجال

الاورنج الزيتي ..

الليلكي مع الليموني << ينفع غرف نوم

بس اهم شي تكون الألوان صافيه يعني مافيها شهابه


اعتذر طوّلتها ما انعطى وجه تراني بهالمجال .. ابروح اشوف لغز اليوم اكيد نزل ..