[قصمنجيه]

اقتباس:  المشاركة الأصلية كتبت بواسطة شديد الملاحظة     قصمنجية : طيب أنتي قلتي ماراح تذكرين واستطردتي بتعليل عدم ذِكرك .. وين اللي راح تذكرينه بخصوص التوافق على التسمية ؟

و ليه أذكر سبب لتوافق خصوصًا إذا كان عن التسمية؟؟ التوافق يجب أن لا يحشر بكل شيء _ إذا ما كان في المسألة خلاف و عناد و ركب روس _ فمسألة الأختلاف هي لا تنفي التوافق؛ هذا ما كنت أودّ أو أعتقد أني أو صلته لك بارك الله فيك, يعني حنا يا أما أقصى يمين أو أقصى شمال ..!!! يا أما حياة ضبان , و إلا مثالية ملائكية ..!! حينما يكون اختلاف حوال التسمية فهو يعكس الأختلاف الطبيعي للجنسين و هذا ما رمزت إليه بسمير و صالح ... بالعكس أنا ما أوادي هز الروس, يعني يكون فيه طرف وظيفته هزّ راسه بس...

_ بعدين الله أكبر يا معاشر الضبان , هالحين هي صبرت على ولدك تسع شهور, و تحملت ما تحملت من أنواع الآلام العضوية و النفسية, و أنت و عيالك ماهوب صابرين أربعين ..؟؟ تراهن أربعين يوم ماهوب تسع شهور, و بعدين من قال أنه ما تحلّ المشكلة, أنا أتوقع أنه لوكانت حريمنا على طول لبيوتهن أو ماياخذن المدة الكافية عند امهاتهن كان ممكن تكون النتايج سلبية عليهن و تتضاعف الحالات أكثر ..و كونه محتاجة لأمه بهالفترة ما يعني أنه مستغنية عنك .. و بعدين نضامنا الأجتماعي بصراحة صعب شوي , يعني حنا راعين واجب و في بعض الأحيان أكثر من اللزوم ... وظيفة المرأة الأجتماعية بمجتمعنا تختلف عن غيرنا وظيفتها صعبة... مسؤلية الزوج, و أهل الزوج, و غيرهم ممكن تضغط عليها و هي بفترة نقاهة ..

_ بخصوص تكاليف و بروتكولات النفاس أنا برأيي لكي تبتر هذه العادة, من هدايا لزوار و خربطة أنه خلاص الناس مااااااااتزور النفساء إلا بالمستشفى و إذا طلعت خلاص عشان نقطع دابر هالتكليف اللي بدت تتسع.
أما بالنسبة للهدايا فمسوي فيها حاتمي الله يعظم أجرك يوم أنك تهدي خالتك ..!!! أنت اللي تجيب العوار لراسك, هذا مافيه بالعرف .. أنا أأيد أن أم الزوج تُعطى هدية من قبل زوجة الولد, من شان دائمًا العلاقة بين الزوجة و أم زوجها تكون علاقة حسّاسة و متوترة؛ فالهدية تقربهن من بعض, برضوه الأم تحس أن ولدها ما نساها, لكن العلاقة"خصوصًا عندنا" دائمًا علاقة الأم بزوج بنتها تكون علاقة طيّبة . فلذلك الهدية و خصوصًا توقيته ماش صعب.

_ هالحين عشان تنفي تهمة "الضبّنة و الضّبنية" قمت و نشبت بنسباك...؟؟!! اللي أبعرفه.. همّ وش ذنبهم..؟؟ يعني كون ترفق بزوجتك ما يعني أن تنشب بنسباك.. ماعليش نشبنا بالزرار و إلا المخباة الأمر يحتاج إلى مراجعة يا شيخ شديد.. بعدين لا تحاول تفهّم نسباك أن هذا من أدوات الرفق و حسن العلاقة الزوجية ..؟؟ لأ . تراهم بيقولون "سبيت ماله بيت" يعني عارفين الطبخة.
خذها نصيحة ترى هذا ما جاء في باب ( نشوبية الأنساب)