[رايق]

أشكر الأخت / عاشقة بريدة على طرح هذا الموضوع الهام والحساس في نفس الوقت ,
لكن قبل ماأبدأ بكلامي بقول للأخت إن هذه الأشياء تحدث في بريده وغير بريده ,,,,,

وأنا ببدأ كلامي وبقول رأيي بكل صراااااحه ولاأحد يزعل مني

عندما أذهب إلى السوق فإنني أتعجب من عدم وجود الرجال والمحارم مع أهلهم !!!!!!! فمن النادر جدا أن ترى نساء في السوق ومعهن رجل ,خصوصا إذا كانت البنت أو البنات رايحات لوحدهن بدون الأم ! ولكن بوجود الأم أهون شوي ,
وأنا أقول ليش الشباب والآباء مايمشون مع أهلهم بالسوق ؟؟؟ يمكن لأن هالشاب أو الأب لايريد أن يراه أحد مع أهله !! ولاأدري مالعيب في ذلك ؟؟؟؟ أنت بكذا تعرضهن للفتنه , وبالعكس شرف لك ولأهلك إنك تمشي معهم ,,,,,
مشهد آخر أراه بشكل شبه يومي , عندما أمر من عند خياط ترى العجب العجاب !!!!!!!!!
الرجل جالس داخل السياره والمرأه تتكلم مع الخياط وتتشاور معه على التفصيل والرجل لاحس ولا خبر, هنا أتساءل ألايوجد لدى هذا الرجل ذره من الغيره على محارمه ؟؟؟؟؟؟؟ سبحان الله ,,,,,

بالنسبه لكلام الأخت عن الجوال , أنا أوافقها الرأي تماما , للأسف إستغلت بعض ( وأأكد على كلمة بعض )
البنات بطاقة الجوال( سواء) في مخادعة أهلها واستخدام البطاقة دون علمهم !!!!!!!!!!

وبالنسبه للمنتجعات , غير صحيح أنه يوجد قسم خاص للنساء كما قال أحد الإخوه ولكن المنتجع مختلط يعني عوائل, وفعلا فيه ناس تنزل أهلها وتمشي للأسف !!!!!!!

عموما اللي بغيت أوصله من كلامي السابق إن أهم الأسباب اللي خلت بعض هالأشياء تصير هي ..........
الثقه المفرطه وأأكدها مرة ثانيه الثقه المفرطه ,
إذا قلت لواحد ليش تنزل أهلك بالسوق أوالمنتجع أوأي مكان ثاني وتمشي ؟؟؟ قال – ياأخي أنا واثق بأهلي ليش أنزل معهم !!!!!!
أوكيه ..... عارفين إنك واثق من أهلك ولاأحد يقدر يقول شي , لكن صدقني أي واحد بنيته يبي بنات وشاف بنات مامعهن محرم أكيد يبي يطمع بهن ويضايقهن , وكدليل لكلامي إسأل أي بنت وقعت في هالطريق
وقلها وش أهم سبب خلاك تمشين هالطريق بتقول إهمال أهلي لي هو السبب , فقد وفروا لي الجوال والإنترنت
وكل مابغيت أروح مكان ودوني حتى لو لحالي !!!! بدون مايهتمون وين رحت وليش تأخرت وأكلم مين .....

أنا هنا لاأطالب بنزع الثقة عن البنت نهائيا , ولكن أطالب بالإعتدال يعني عط البنت الثقه كامله بدون افراط ولاتفريط ,

والمسؤولية هنا مشتركه بين الأب والأم فيجب أن لايهملا أبناءهم وبناتهم وفي نفس الوقت مايشددون عليهم ويراقبونهم في الروحه والجيه , المطلوب كما قلت سابقا الإعتدال ومحاولة مسك العصا من النصف .....

اعذروني إن كنت طلعت عن الموضوع شوي , ولكن الواحد بصدره شي وده يطلعه .....

أتمنى إنه مايكون أحد زعل من كلامي , وأأكد للمره الثانيه أنا لا أعمم سواء رجال أو نساء ولكن هي تصرفات موجوده عند البعض ,,,,,

اللهم استر عوراتنا وعوراة المسلمين

والله من وراء القصد ,,,,,,




تحياتي للجميع