[ام ادويس]

[align=center]موضوع مهم

وانا اتفق وياج بهالنقطه وأشعر بذلك

بعيد عن الحساسيه

في حياتي ما شفت مثل هالمنتدى من قده

منتدى رائع ولكن نفر الكثير منه

والسبب ردودهم واسلوب الحوار عندهم

اللي يعطيك بالويه >> نحب الصراحه بس مب كذا

وهذي ما تسمى صراحه بل تجريح في بعض أحيانا تصل للقذف

يتقبلها الشخص أو لا يتقبلها لا يهمهم المهم اقول لك رايي واللي عندي

حساس وما تقبلت فكرتهم اطلع من حادك على البقاء معهم واترك الساحة لهم

تشوفون كيف تنقلب المواضيع في بعض وكم من المشحنات بين الاعضاء

وتصير المواضيع كوكتيل مؤيدين ومعارضين والبقاء للاقوى

غابة ولله الحمد والشكر وفي النهاية تنتهي بحذف الموضوع أو اغلاقه

وكل هذا للاعضاء مجهولين الهويه ومخفين من وراء الشاشات >> ما نصغر أحد

هنيه تحارب فكرهم وتبي تثبت ان ما توصلت له هو الصحيح والباقي غلط

نوع من التسلط وشايع بين الاعضاء فليش ما تجيب فكرتك وادلتك وتقعد تقنع الخلق بها

والثاني يشمر عن ساعديه ويجيب اللي عنده ويقعد يحاورك برويه وبدون تعصب لفكرة ما

هنيه بيكون النقاش واضح بينم عن شيء طيب

اسمحيلي طلعت عن الموضوع بس حبيت أطلع اللي في خاطري

ويعطيج العافيه غناتي وما قصرتي

تحيتي العطره،،،[/align]