قعدت ساعه وأنا أدور لب الموضوع ..أحوم وألف وأدور منا ومناك مرة أقول سيطرة النساء ,,,,ومرة أقول الأفلام السينمائيه وأثرها على النشئ ومرة أقول عن الكاسيات العاريات واللبس المخزي .. << شكلي أبلعب غميمه لين مسكت طرف الخيط ولب الموضوع " غياب الرجوله "عن رجالنا عساهم للفاري << واحدة بواحدة المهم نعود للب الموضوع .. اقتباس: الا تتعجبون معي ايها السادة ياكرام من غيبة الغيرة من بعض الذكور ؟ لا والله ما تعجبنا ,,دامهم يلهمون همبورجرات و يدردبون من البباسي ويكحلون عيونهم بمناظر الكاسيات العاريات فحنا عارفين من اللحين أن الغيره بادية تشطب والبعض الأخر الغيره عنده, مترضرضه كأن اللي معه موب من محارمه اقتباس: الا تعتريكم نبرة القهر والبنت تأكل الفيشار وتمص شفاط العصير عساها للفاري ياحوووووووول ,, موب نقول أن الرجل هو أساس البلاء والمصايب .. ليش البنت صار عساها للفاري ?? على كيفكم تقلبون الطاوله .. اقتباس: كنا نسمع ونقرأ ان الكاسيات العاريات في جهنم ولكن رايتهن بيني وبينهن مسافات قليلة وش اللي بينك وبينهن مسافات قليله ؟؟!!!! كني منب واهمه قصدك بينهن وبين النار مسافات قليله ..