[قلب أبيض]

[align=center]
إجابة لسؤالي


فإن المدونة المتميزة والموصوفة في سطور سابقة بالعفوية والفرح


كانت بعنـــــــــــــــــــــــوان ( خذ نفس )


للكاتبة / شقردية


أخذت نفس وأنا اقرأها و طرحت زفرات من همومي


واستمتعت بعفويتها وسلاستها وحديث النفس الرائع


نسيت أجوائي وأنا اقرأها ، لامس شئ كبير في داخلي


ربما لأنني عاشق للعفوية والصراحة وحوارات النفس

وهي جاءت لتترجم شعوري المبتهج للمدونات كما عبر عنه الحوار


مع الدب وأبو سن


وكذلك أتى كرد رائع لرأيهم وأراء تهكميه طرحت حيال المدونات !


أنقل لكم بعض سطور المدونة


وناسه

أول مرة أشوف هالفكرة

بصراحة اللي هي من بنيات أفكارة رهيب وللآن مادري منهو او منهي بس من جد يمكنه مخاوي بسم الله نوت خوية الفراعنه

المهم

كنت احسب مدونة يعني للأدباء واللي يكتبون الشعر والا القصص ما نويت اجي هنا

بس ماشاءالله صاحب اول مدونة مسوي دعاية قوية للقسم

مدونة يعني دفتر مذكرات ايام هاك الحين كنا نسمية كذا

اول دفتر مذكرات امتلكتة وانا بمتوسط يمكن ثاني

اخذت الدفتر وبديت اكتب مذكراتي كل يوم بيوم

وانا مستانسة مرة احس اني ماخذه راحتي علما اني في التعبير صفرررر

وانا انطوائية جدا في الاسبوع اقول جملة وتطلع غلط بعد

وموزية دفتر الذكريات في المخزن <<<ذهينه مرة

وفي يوم من هاك الحين

كتبت انني سعيدة جدا جدا لاننا بنروح لاخوالي في ديرة ....

تفاجأت ان خالتي تقول لي نفس الكلام اللي انا كاتبته عن روحتنا لهم

هي طبعا معجبها جدا ومبسوطة جدا اني اسعيدة عشان بنروح لهم

بس انا انصفق وجهي شلوووون مخزن اسراري كلن يقراه وانا احسب ان الموزى سري

كانت هذيك اخر مرة كتبت فيها

كان هالموقف اول مرة اكتشف جزء من غبائي اللطيف

اليوم بريدة حاطين مدونة بس الفرق انك تدري انها اوبن مافيه شيء مشفر

بس ولو المهم اني بكتب بحرية ما اخاف الا الله

احس هالمتصفح اشبه بخذ نفس بعد كتم الانفاس والرسمية هناك

يااااااااه

هنا اقدر اكتب مثل ما احب مهوب مثل المفروض .

وقفه :

عرمشني الباعوض وحامت كبدي منه بضغط اعتمد الموضوع عشان ما اطول على نفسي وارجع للفضفضة

عسى من حط هالقسم ما يعمى

اول مرة اكلم نفسي ولا احس اني خبلة[/align]