[فتاة بني خالد]

اقتباس:  المشاركة الأصلية كتبت بواسطة أم اليسر     مساء الخير على قلوبكم يا بعدي من رجال وحريم وتراني أبكتب بالعاميه لآني شفتها متربعه هنا بهالموضوع - وأخذت راحته الله يطول بعمره ويخليها لنا - ما أدري ليه أحبها -(العاميه) المهم علشان ما أطلع عن صلب الموضوع الله يسلمكم كلكم ولا يبقى منكم أحدا أبد- علشان بعد مايزعل أحد لآني أشوف المساله طولت - وصارت معارك وحروب -كلاميه - علشان شي بسيط ومايستاهل كل ها الأموره الله يهديكم بس ويهدي سركم -قولو أمين أسمعوني عاد خاصه الرجاجيل - وأولهم أنت يا برمودا- (لاتخاف) أحبكم ويسموني محبة الجنس الخشن لكن يعلم الله -إني حبي للرجال -حب نابع من ديني أولا - ومن عقلي ثانيا - ومن تربيتي ثالثا يعني لايزعلن الحريم علي فيه - واقسم بالله إنه كلام حقاني وما أقصد منه غير التوضيح فقط من أم اليسر لكل رجل: أنت أبوي وأخوي وعمي وزوجي وحبيبي وولدي- يعني مالي غناة عنك يابعدهم أنت دنيتي وراس مالي ولا أسوى شيء بدونك - أنت سند ظهري بالشدايد- وأنت الصدر اللي أرمي بهمي عليه - وأنت حامي عرضي- وشايل همي -أنت وجودي ياكل الوجود - أنا ولا شي بدونك ياغلاهم - عسى الله لايحرمني منك ولا من حسك عساه عامر -عسى يومي قبل يومك يارجل : مهما اقول أو يقوله غيري - إن الحرمه تقدر تعيش بدون رجل أقول كذب وأفتراء - من اللي تقدر تعيش بدون رجل -أب أو اخ أو زوج أو ولد - الله لايحرمنا منهم - والله يخليهم لنا - تصدقون عاد - يمكن أنا غير الحريم - وهذي النقطه تتعبني كثير بكل نقاش ينفتح -حول الرجال والحريم أنا مع الجميع - مع الرجل ومع المرأة - معكم كلكم -يعني ما واحد يقدر يعيش بدون الثاني -صح أجل ليه المكابره - ليه نهرب من الواقع -ليه نخلي الشيطان يلعب لعبته الحقيره وهي التفريق بيننا (الرجل والمرأة) أدري إن الدين الاسلامي فرق بينهم -لكن بالامور الشرعيه - والجنس - لكن مافرق بينهم بالتربيه - ولا بالعقل - لكن الرجل يكون أكثر حكمه - وتروي وصبر- الرجل خلقه الله لشدائد بكل أنواعه والمراة خلقها حنونه ولينه - وعطوفه -يعني مكملين لبعض - سبحان الله - يارجل ويا إمرأة - أسمعوني تكفون - أنتم تحبون بعض - وماتقدرون تعيشيون بدون بعض -صح - لكن ليه المكابره - ليه -والعناد على إيش بس وين تبون توصولن له بالضبط - إذا كانت معركه - وين مكانه - ودي أروح احارب معكم وإذا فيها جوائز ودي أخذ معكم - ليه بس أنتم اللي تأخذون - وإذا فيها حسنات أو أعلى درجات بالجنه فأنا والله محتاجه أكثر وحده منكم - صدقوني يابعدي أنتم - والله إنها بلا فائده يعني مجرد كلام يكتب بالمنتديات أو الكتب أو المجلات- المهم النهايه على إيش - على نشر الكره بيننا -ولا كلامي فيه خطأ والله يا عمري أنتم يا قليبي - إن اللي طلع المشكله هذي - ما يمت للأسلام بصله- وهي من فكرة واحدا مايخاف الله - وكل وقت والثاني طالع لنا حوار - الرجل -والمرأة - وووووووووووووووووو لين خلو الحريم تكره الرجال - والرجال يكرهون الحريم - وصار فيه مشكله وتناقش ويبون حلول ووووووووو مهب هذي حاله والله إني يضيق صدري إذا شفت مثل هالمواضيع لآني أدري إن الموضوع ينتهي بلا شي!! قبل أكتب ردي هذا دخلت للموضوع عادي -مجرد إطلاع لكن الردود هي اللي جذبتني أرد -تدرون ليه لآني بصراحه أحبكم إيه أحبكم وكلكم الرجال والحريم -بدون تفريق- وأنا أقرأ الردود أحس فيه شوي حرب كلاميه بين بعض الاعضاء - الله يهديهم ويصلح بينهم يارب- لكن بالآول والاخير يكون موضوع يعني ما يستاهل الواحد يشد حيله - بكثرة الردود اللي تثير الكره بيننا صدقوني يا بعدي أنتم - ياعمري والله إن تطلعون من الموضوع ويمر عليه سنين وأنتم اللي بقلوبكم بقلوبكم - ولاتنسون كلامي أسفه يا حبيلكم على تطويل ردي عليكم لكن يعلم الله إني لو اترك قلمي يكتب - كان تنامون عند الجهاز لكن أعذروني يا حياتي أنتم - وقدرو شعوري لكم - ومهما كان حنا روح بجسدين صح - يعني ما نعيش بدون بعض - واللي عنده غير كلامي يتفضل يقول - وأنا مستعده أتناقش معه وبكل رحابة صدر يالله عاد الحين أبتركم -وسامحوني على الاطاله - وتقبلو مني ردي الممل- لكن كل هذا من حبي لكم أختكم ومحبة الخير لكم (أم اليسر)

[align=center]ماشاء الله عليك والله كلامك راااااائع.. الله يجزاك خيييير..[/align]