[محامي الليفر]

مقابلة في الموقع الرسمي مع النونو



يقول ان بنيتز وجيرارد كان لهم تأثير ملهم على مستواه في الموسم الماضي ..
بنيتز كان ما يخلي فيني حيل اتنفس .. بعض الاحيان تحسه بثر لكن مع مرور الوقت تعرف ان هالانسان يبيك تتطور انا ممتن له كثير وله الفضل في تطور مستواي ونهمي الكبير لتمزيق الشباك .. يوم توصل انك تجيب 20 هدف تحس انك اكتفيت وسويت اللي عليك وزيادة لكن يجيك البروف رافا في الحصة التدريبية اللاحقة ويعطيك نصائح دقيقة تحس انك ماسويت شي

يقول انا معجب بجيرارد وخاقن عليه .. هو كابتن خاقوقي يعرف يشيل فريق على كتفه والله اني احسه هلكان من كثر الضغط اللي يكون عليه .. انا عشت هالتجربة واعرف شعوره زين لكنه كفو هالمسؤولية .. هو علمني شلون اصير قائد عظيم

تكلم بعد عن خويته Olalla يقول انها كانت تعاني من الضجيج والاحباط لما كنت باتليتكو بس يوم جينا لم الانفيلد بدت تفل حجاجها .. هي تعرف براغيي تبخصني زين وتدري شلون تهديني لما اكون مشوش او تصحيني وانا نايم وتشجعني بوقت اكون محتاج احد يشجعني