السلام عليكم ورحمة الله وبركاته,, أعتقد ان المشكلة ورائها أسباب..البلد فيها ضوابط وبدون بدائل..واذا وجدت البدائل نشوف الرجال بدو يتخلون عن بعضها..الثقة ما لها علاقة..حتى لو فيه ثقة لازم رقيب وحسيب.. ضرووووووووري جدا..نصيحة للرجال لازم تفتح عينك زين مو بطريقة شك..لكن بهدوء ولباقة.. المراة اذا حست وراها رقيب..ما تقدر تسوي شي..وتخاف حتى لو شيطانة..اما اذا ماخذة الدنيا باصرة.. هذي يقعدونها بالبيت مالها طلعه..لانها بتجيب الفضائح بسيارة ولا بدون سيارة.. التربية وراء كل شي.. بالنسبة لقيادة السيارة..اذا البنت محترمة نفسها ما حد بيقدر يسوي لها شي..لكن في السعودية الوضع غير..مو متعودين وطبيعة الشباب جريئين بالمغازل..خاصة انهم مو متعودين على الاختلاط.. فأول ما بيصير كذا ..مليون بالمية بتجي المصايب..والله بتصير جرايم ..اقلها بيكسرون للبنت السيارة.. وتعالي يا مخافر ويا محاكم وشرطة آداب..هذا في احسن حال.. اما اذا من نفسها البنت شيطانة..وبعد عندها سيارة..عاد هذي النهاية.. في كل الحالات يعتمد على التربية..سياقة السيارة تكون حل للفئة الي ما عندهم حل والملتزمين ..لكن وش يضمن الموجودين بالشارع..شخصيا اشوف ازين للبنت ما تسوق سيارة في السعودية ..مع اني اسوق سيارة لان الظروف غير..وبعدين اذا اختربت سمعة الوحدة او تعرضت لشي ما ينفع الكلام..وعمومما مشاوير الليل للبنات خطر تسوقين ولا لا..ولازم يكون معاج ناس ثقة.. وشعرفج هالسايق ان الي جنبه مرته..كان ما يهجمون عليج..هذا باحسن حال..شلون اذا عطيتي وجه.. المفروض الرجال يمنعون الحريم من طلعت الليل ..الا اذا جماعة ممكن..والسايق معروف والاهل كلهم يعرفون..اما الوحدة من راسها تقرر كذا وتتصل وتطلع..مادري تبي تعرض روحها للسوالف.. شي ثاني في الموضوع ويمكن اهم من مناقشة سياقة السيارة للمراة..غير التربية واحترام النفس والاخرين ..قد يكون الفراغ الي يعيشه الشباب في السعودية..والبنات صاكين عليهم مرة..وما عندهم متنفس.. عادة الواحد لما يحس انها مخنوق..يبدي يتصرف بتخبط..وما يحسب للعواقب..ما يشوف الا المصايب هلت عليه..بس عشان لحظة تهور..والا سايق محد يدري..يعني ابليس يبدي يلعب بالعقول..هنا خربت الدنيا.. اولا واخرا المحاسبة للمراة والبنت..مهم جدا..والزامها بوقت خروج ورجوع للبيت ..وبعدين يدردش معها ابوها اخوها..وش صار في الطلعات..صارت مشكلة او كذا..يعني لازم في علاقة واخذ وعطى.. منه تحس البنت في اهتمام اهلها فيها..ومنها الرجال هذا هو يمنح الثقة لكن مراقب.. << تطبق نظام ابوها على العالم وبعدين فترة المراهقة..للبنات والشباب مفروض ما تعدي المشاوير دون رجال يحاسبون وراها.. على قولتكم بيجي العيد على طول..غير اذا كبروا شوي..يجي ربعه او نصه اما المراة المتزوجة والرجال المتزوج وسائق..ويبدون يسون لهم حركات..هذي قلة ادب مشكلتهم في نفسهم.. الموضوع يتشعب..ولكل وضع اسباب..لكن الرقابة هي الاساس.. الاخ الفاضل(سمنسي)..شكرا لهذا الاهتمام بقضايا هامة وخطيرة على المجتمع.. احترامي وتقديري