<<<<<< له ساعه يكتب رد سريع واخرتها يروح اول شي احييك اخوي على سدح الموضوع لانه موضوع ذو فتون ( لاحد يشره متابع مسلسلات ) قصدي ذو شجون <<<< يامصلك الفجر اعتقد وانا اخوك ان البلا منا موب من الحلاقين او البلدية لان البلدية ابرت ذمتها وحطت اسعار معروفه وانت منت ملزوم تدفع للحلاق اكثر يعني البلا منا <<< تصلح تجيب كور الحلاق التركي او غيره بعذره يمحط بالسعر اللي يبي لانه لاقي ناس ماعندك احد تدفع ولا يهمها حتى لو انه يدفع اللي بجيبه كله <<< لزوم التشخيص قدام الزباين اللي وراه قد جربت طريقة المرتدات وقلبت الطاوله على حلاق تركي قبل كم شهر ومن عقبها موب يواطن يشوف كشرتي بالمحل بس موب بكيفه انا جاي بفلوسي <<<<< ياها الفلوس كلها 5 ريال ومتشرحه مره كنت احلق عند ها التركي وابو الشباب ماخذ راحته بخشتي اللي كنها مراح بعارين ويوم خلص بعد نص ساعه من الاخذ والعطا والهجمات المرتده مع الحبوب اللي بخشتي ويوم مل لطس وجهي بكل شي حوله وقال خلصت المهم قلت له كم تبي الحين على انه الحساب بيكون 15 ريال .... قال اللي يجي منك .. قلت كم يعني .. قال كلك نظر قلت طيب دوك 5 ريال وفمان الله 8 8 ماحد قال له يتميلح عندي المهم اللي ابي اوصله ان البلا منا موب منهم وعلى فكرة نسيت شي وودي اضيفه لو يسمح الوقت بالنسبة لموضوع الاغاني والبلاوي اللي تحصل اعتقد انه من الواجب على الشخص اللي يشوف الشي هذا حتى لو هو يسمع الاغاني انه ينصحهم لان اللي يسكت كأنه مشترك معهم بالذنب واذا ما فاد بهم يشوف له اقرب مركز هيئه ويبلغهم وهم اللي يعرفون له <<<<< شخمطه وكتبته الفقير إلى عفو ربه برطوم