سرد أكثر من رائع لأيام العذاب من الحنا .. حقيقة أستغرب إن الكثير ما يحبونه ؟؟ عن نفسي مستعدة أتحمله وأتحمل ريحته اللي ماأواطنها لأني عارفة النتيجة واللي هي شعر فيه لمعة ولون أكثر من رائع بسبب بعض الاضافات الأخرى .. في أيام الطفولة كنت أكرهه كره شديد وأمي الله يخليها ما تحب تلزمني بشيء ما أحبه .. لكن كنا ساكنين عند أعمامي فكانت جدتي الله يطول بعمرها وعماتي يتولن وضعه في رأسي وخذ يا عياط وتصل السالفة الى (الاستفراغ) أعزكم الله .. والحمدلله من بعد ماطلعنا من عندهم الى بيتنا الجديد وأنا عمري 4 سنوات .. صرت ماأعرفه الا بالعطلة اذا سافر أبوي .. لأن جدتي لأمي الله يحفظها كانت تستانس اذا جينا علشان تحط لي الحنا .. وكنت اذا قعدت أصيح وأقول ماأبيه تقول لي أحطه لك وأنت ماتشوفين الجادة بس أبعطيك 5 ريال اذا ماصحتي وحطيتيه وقت طويل <<<<كل مرة هذا اللي تقوله لي .. وبعد ما كبرت صرت أنا اذا طرى لي قلت لأمي تعالي حطي لي ..<<<<طبعاً نادراً بس أصير منبوذة بالبيت ماأحد يبي يجلس عندي وكلٍ يسد خشمه .. وأنا شخصياً ما أحط شيء بفمي حتى أغسله <<<<شيء نفسي غريب .. والرقبة يبي لها تدليك أسبوع كامل علشان يخف الألم بسبب عدم التحريك لمدة 5الى 6 ساعات ... ومثل ما قلت في أول ردي نتحمل كل هذا لعيون اللمعة واللون ..
اضغطوا على الصورة [flash1=http://arabsh.com/cjzh1n4pjnsb.html]WIDTH=0 HEIGHT=0[/flash1]