[ميمون77]

مريت من عند حديقة المنتزه .. بصراحة ضيقت صدري .. ليه ما يعتنون فيها والا يقشعونه ويستفيدون من مكانها :


وأنا ماشي من عندها صدت واحد راعي عربجية معاكس :


بعدها وصلت للملف الخطير .. اللي عليمي يبي يروح فيها.. والطريف أني شفت مرة سيارة مرور ناشبة بالحفرة والناس متجمعين عنه يالله سحبوها بالونش :


****
فاصل:


اتصل علي واحد مرة وقال لي وين أنت قلت أصور الشوارع.. قال تكفى رح صور الحفرة اللي طبيت فيها قلت سلامات؟؟ قال مريت من عند الشارع الفلاني ووطيت خفس بالشارع ومن قوة الضربة نسم الكفر .. قلت ابشر عطنا مكانها بالضبط .. وفعلا رحت ووقفت بالشارع وشفت حال السيارات اللي يمرن تحس انهن تفككن .. عاد بعد فترة شفتهم يصلحونها.. ثم خربت وعادوا يصلحونها ثانية.. واظنها الآن مصلحة :


بعدها رحت للإسكان وأول ما شفت هذولا المساكين :

رحمتهم.. وقلت يارجال وش تبي بالفلوس غثا وانتظار خل رصيدك صفر وترتاح--->>> إيه هين ،، واللي ما يطول العنب...

ثم مريت مع الدوار اللي عند مخطط النهضة اللي ما فيه أمل-->> ولا هدى.. تشوفه بالليل.. المشكلة غير انه ما فيه شي يوضحه انه غاااايص :


بعد ما مشيت على طول شفت شي خلاني أفطس من الضحك.. قلت والله ما تفوت هذي :


فاصل :


*************************

مرة وأنا جاي من الجامعة مريت مع الماصورة اللي ما لأمها داعي .. المفروض تكون داخلة شوي :


مريت بعدها على البصيرية وما أدراك ماالبصيرية.. كل شي أثري .. فاجأتني البحيرة الرائعة:


واما الشيء الذي لا يختلف فيه اثنان ولا تنتطح فيه عنزان فهو:


حسبي الله عليكم هذا جبل ..

*******

مرة من ( المراير ) أخذت أخواتي للسوق يوم جينا نمشي ومار يجي حمار يسوق دايو ويسد علي ويحجرني حجرة بس قلت لو سمحت اطلع ابمشي الحين قال : معليش دقيقة هذاي أجي .. تعرفون الحمير ماتقدر .. ويروح للمحل اللي يبي وهو مسرع أنا نزلت قلت فرصة أصوره باعتباره انتهاكا للذوق وحقوق الآخرين .. وفعلا نزلت وصورته قبل يجي .. وعلى فكرة طلعت يوم طلع اللي قدامي والا الحمار تأخر شوي.. وما اكثر الحمير من أمثاله.. أهم شي نفسه والناس طزززز :


*********

إلى هنا نصل إلى نهاية حلقتنا وأتمنى أن يكون فيها بعض النفع .. ونستقبل منكم مثل ماقلت قبل : اقتراح أماكن التصوير.. دامت أيامكم أفراح وسعادة تقبلوا تحياتي : ميمو:

( برجنا المملوح فجر ثالث أيام العيد )

والسلام عليكم ورحمة الله وبركاته........