يعطيك العافيــه على ردك الجميــل
الله يعافيك 
ياشمــوخ معقــوله فـــي شخــص فـي هالعالـم كلــه محســن النيه بكل الناس حتى لو تعرض لأي مضايقات !!! ماظنتي واذا كان فيه بس تلقاه يأخذ الحذر 00 يعني مايسمى محسن النيه 0
كبدايه راح يكون حسن النيه موجود
ودام اني ماشفت من الشخص اي غلط
اكيد اني راح اكون محسنه النيه
واذا شفت الغلط راح اخذ الحذر منه
مقعوله في شخص في هالعالم يحــب أي شخص قام بمضايقتــه ويروح يبارك له ويضحك له من قلب صادق !! النوعيه هاذي بارد وجه ومصلحجي 0
اولا على حسب الشخص اللي ضايقني ونوع علاقتي فيه
ثانيا لازم اعرف السبب ليه سوا فيني كذا
لانه اذا عرف السبب بطل العجب اللي هي حيرتي بمضايقته لي
واخيرا بعد ما احدد علاقتي بهالشخص ابدا اشوف اذا هو فعلا يستاهل ابتسامتي له ومباركتي له غالبا اذا الشخص مايستاهل ما اجامله على حساب نفسي وانافقه لمصلحه لازم يعرف خطأه واذا ماعرف بكيفه
معقــوله ان جميــع الناس يتحملــون أي مضايقـه من أي شخص ويقف مكتوف وقلبه أبيض على الطرف الثاني !!! النوعيه هاذي رخامه وجــبن 0
اتحمل اي مضايقه مافي مشكله بس ابحث عن الاسباب
مافي احد راح يضايقني منا والطريق
واذا وجدت الاسباب اكيد راح القى الطريقه المناسبه لحل الموضوع والتعامل معه ..
ماراح يكون قلبي ابيض ناصع بس راح اكون ماخذه على خاطري من الشخص بس ماتوصل اني احقد عليه وأذيه
معقوله ابجرحك بكلمــة وخلال دقيقه تنساها !! النوعيه هاذي مافي وجه ماء 0
فيه ناس تستخدم اسلوب الصراحه الوقحه اللي تجرح
وفيه ناس ماتداري على كلامها وتجرح من هنا وهناك بدون ماتحس
الحين اذا جرحتك سكين تمشي ولا كأن فيك شي
مستحيل لازم يبقى اثر
وعلى حسب الشخص المجروح والجارح ووش علاقتهم ببعض
مثلا لو زوج جارح زوجته ماراح تعيش باقي حياتها معه وهي تنزف من جرحه لها وتقول تناسيت خاصة المرأه حساسه وتتأثر بأي كلمه من الرجل غصب تتحمل زوجها ولازم تلقى حل ماتعطيه مجال للجرح
كفتح باب للنقاش بهدوء وعقلانيه وايجاد حل نهائي
او انها ماتترك له مجال او نقطه يجرحها فيها وبعض الرجال يحس ويتعلم وبعضهم عديم احساس ولا كأنك كلمته بالموضوع
يعني بالاول والاخير لازم اعرف السبب
اتوقع انه مافي جرح بدون سبب
(( ياشموخ الناس مهب زي أول وماهي على ايام جدي وجدك رحمت الله عليهم وعلى ايامهم !!!! ومع ذلك كل انسان عنده احساس مهما كان كبير ولا صغير ومن المرجله انك تجامل الشخص الغثيث على قولت الشيبــــــان ( قل هلا ولو بالقلب فيه بلا) ويمكن انت اكبر مني وانت اتعلمنا وحنا مانعلمك ويمكن اكون فاهم الموضع انا غلط ))
اكيد الناس تغيروا فاصبحنا في زمن غريب لابد من معايشته
راح اضطر اني اجامل بحسن نيه لو شفت حرمه غلطت علي
بمجلس حريم طبعا ماراح اتجاهلها بسلم عليها لله في لله
بس مستحيل اني انافقها واقول لها هلا والله وغلا
من زمان عنك ولك وحشه ومن هالكلام
مستحيل انافقها على حساب نفسي
ما اقدر اقول كلمه لشخص ماتناسبه
يعني اتضايق لاشفت موقف كله نفاق بنفاق
لهدرجه مجتمع خالي من الاحساس وينافق ويدري انه يتنافق
بالله كيف عايشين هالناس حياتهم
بالعكس انت فاهم الموضوع
واستمعت كثيرا بمتابعتك ونقاشك
شكــــــــرا لــــــــــــــك
العفو حياك الله