[مياسة]

أشين ما بالدراسة أو بالدوامات الأوفات !!
تحوس جدولك حوس ,,
أحياناً تجبرك تواصل
أحياناً تخليك تنام مو بوقت النوم ,,
أحياناً يصير نومك ثلاث شفتات !!!

عادي تنقطع عن الناس بسبب هالحوسة ,,!
عادي تتقهوى الساعة 2 بالليل ..!
عادي تتعشى رز ولحم الساعة 5 الفجر ...!

عاد مياسة ليلة مبارح مقهاش نوم’’
فدخلت المطبخ الساعة4 بتشرب ماء..
فـ طنت لها تسوي سينبون....!!
قلت لكم عادي توقعوا أي شي من الطنطنة,,!
والسينبون... ألذ اختراع عرفته مذ قدوم عام 2000م

وبينما هي كذلك.. تحوس بالمطبخ ..!
ومشغلتن مسجل المطبخ.. صوت الراشد يدهر,, لو يجي حرامي.. بيهج بسرعة الفين!
يا بيقول حنا العصر مو بالليل !
أو بيقول هالبيت مسكون
اللهم سكنهم مساكنهم !!
ميّاسة مقتلبة أوقاتها ,,!!

بعد ما انتفشت العجينة ,, وقمت بفردها ..
جيت ابحط الحشو (زبدة, قرفة, سكر مطحون, نسكويك)
إلا وآآآآآآآآآآكل مطب !!
القرفة مخلصه
دن درن !! <<- تعليق موسيقي !
<<- بغت تتصل ع الجيران.. نست أنها بهالفجور, والناس نوما؟
طيب وش اسوي ,,؟

قلت ما لي إلا أولف ,,
عاد من كثر أهلي
وحطيت نسكافية بدل القرفة
ارجوكم .. لاحد يعلم,, وتخرب سمعتي المطبخية!!
تراي منحيلي ارقل

بعد ما قطعت حلقات السينبون بالسلك.. وصفيتهن بالتيفال
غطيتهن ,, وخليتهن ينتفشن زود قبل لا أحمرهن ,,

يوم صارت 9 رحت المستوصف..
تم نسيان السينبون !!
دن دن
ولما رجعت إلا واشوفهن متداخلات ببعض من قوة الانتفاش
<<- مكثرتن الخميرة !

بعد التحمير.. حطيت عليهن الصوص..
دخلن البرّاد,, فـ وُدعن بمثل ما أُستقبلن به, بكل حفاوة ويسر ..!
هذا كله ما بين الساعة 4 فجراً والـ 10 صباحاً

لما صحيت .. إلا واشوف نصهن مزروف
أثاري اختي بالعتهن ياعلهن عافية على قلبها ..

يا حياكم.. عازمتكم عليها ,, بمناسبة عام ثلاثين ,,

وووووبس .. انتهت الفضفضة ..يلا كل واحد يروح بيته