[align=center]مبروك يا شعب النصر في " كحيلان " //// وعقبال ما أبارك لـ " كرسي الرئاسة "
" فيصل بن تركي " .. للأمجاد عنوان //// يا كبر تفكيره ويا قوّ باسه
متعنزٍ ما بين تركي وسلطان //// والطيب من طيبه ومن طيب ساسه
إنسان لكن داخله يسكن إنسان //// رسم لنفسه بالتواضع سياسه
كل البشر عنده " محبين وإخوان " //// ما يعتبرهم غير أهله وناسه
قلبه كبير ويوسع الإنس والجان //// ما حطّ له في وسط قلبه حراسه
حليم .. نادر ما يجي يوم زعلان //// ويزيد مع " أهل التفاهه " شراسه
لو قلت ابكتب له من الشعر ديوان //// اخترت عنوانه " أمير الفراسه "
وإذا الوطن مليان لولو ومرجان //// " فيصل " .. ما بين الناس في العين " ماسه "
حتى " هل التاريخ " معهم " هل الشان " //// سووا على " تاريخ فيصل " دراسه
عاشق يحب النصر في كل الأحيان //// ويكبر مع مرّ الليالي حماسه
يتعب على ناديه " الأصفر " علشان //// يصير نادي النصر " مرفوع راسه "
معه فريق النصر ما هوب خسران //// وبإذن الله إنّه ما يشوف انتكاسه
كلٍ صرخ بإحساس من قلب ولسان //// أهلين يا عهد " الفرح والوناسه "[/align]