[عبده]

مساكم وصبحكم الله بالخير ......
ياجماعة الخير بعرف بشخصيتي قبل أخوض في موضوع عوييييص تكاثرت فيه الاخبار::::
1- أنا ولد القصيم ودرست وتعلمت وتخرجت وتربيت بالقصيم.
2- عمري 28 سنه.
3- أعمل بالمعهد الملكي(اللي توفي فيه صالح الله يرحمه).
****أظن كذا كافي(واللي بيزوجني أعطيه معلومات أكثر).
معليش ياجماعه بتكلم في موضوع صالح الله يرحمه .
أولا صالح من أبرز الضباط داخل المعهد بل أكاد أكون صادق إن قلت قليل تحصل ضابط يتميز بصفات مثل صفات صالح الله يرحمه....طبعا إسم صالح الله يرحمه بالكامل ...صالح عبيد المطيري.
ثانيا... قائد المعهد اللواء محمد التركي
الآن وبعد هالتعريف البسيط أتكلم بالموضوع ولعلي أوضح اللبس اللي فيه بالكامل.
ياجماعة الخير أنا من زملاء صالح واعرفه واعرف اللواء محمد لذلك سائني الكلام
اللي قريته وكدر خاطري بشكل ما يخطر على بالكم،،،، المهم أقدر أقول بإختصار الكلام اللي قال أبو شجاع عن الموضوع صحيح بالمره
ربما لا أوافقه على وجود الإسعاف فقط حيث كانت سيارة الإسعاف متجهه إلى الميدن وبطريقها كان أحد الضباط قد نقل الملازم صالح رحمه الله إلى المستوصف وللمعلوميه بين الميدان والمستوصف أقل من 650 متر.يعني أقل من كيلو متر واحد...يعني أكون صادق إن قلتلكم إن سيارة الإسعاف وصلت للميدان بوقت قيااااسي ووقت وجير ...معلومه أبي أوضحها لاحد الكتاب اللي كتبو عن مدير العيادة وبالتأكيد يقصد بذلك مدير المستوصف... أقول والله (وبيسألني الله عن هالكلام) إنه ما مر مدير للمستوصف منذو نشأ المعهد مثل هالمدير اللي حط عليه الرجال كلااام والله ما يستاهله وللمعلوميه مدير المستوصف رجل مميز بكل ماتعنيه الكلمه فهو يتميز بنشاطه البارع وسبقه على الجديد وياجماعه اللي ما صدق يسأل أي شخص بالمعهد مدني كان أو عسكري عن هالرجال...وللمعلوميه أنا صارلي سنتين ما أكلم مدير مستوصف المعهد وهو أحد زملائي لكن الحق يقال ولا يمكن أهضم حق الرجال بمجرد إنه حصل بيني وبينه سو ء تفاهم. فيه نقطه أبي أوضحها الرجال مدير المستوصف ما يهمه كلام الواشين أو بالاصح كلام الناس اللي ما تأكدو من الاخبار تدرون ليه ؟ لأن الجميع من منسوبي المعهد ومن منسوبي الخدمات الطبيه يعرفوووونه معرفه زينه وللمعلوميه زوروا مكتبه بالمستوصف شوفو خطابات الشكر اللي وصلته عشان تميزه بالاخلاق الفاضله واحترامه للآخرين ونشاطه وجديده بالعمل..... وترى صارلي سنتين وزياده عن مكتبه يعني الخطابات أكيد زادت والحمد لله لكل مجتهد نصيب
برضه الكلااام اللي ماله داعي عن اللواء محمد قائد المعهد كان كلاااام والله العظيم خطييير..وياليتك تعرفون هالشخصيه القياديه... ياجماه لا تغركم الخزعبلاااات الفاضيه والله كلااام سخييييف عن القايد لكن اللي أقدر أقوله حنا يالعرب وأنا مسؤل عن هالكلام أمام الله.....أقول حنا دائما إلا ماشاء الله منا محاااااربي لنجاااح نعم أقولها بملئ فمي نحارب النجاح.... يجماعة الخير اللوء محمد يخاف الله ولا يمكن بشهادة جميع منسوبي المعهد إنه يتسبب في ضرر الآخرين....نعم الرجل قيادي قوي في عمله لكنه وبكل حقيقه رجل يخاف الله يعني رجل خيري واللي منكم بالمعهد أو يعرف أحد بالمعهد يتأكد من الكلام اللي قاعد أقوله....وبعدين والله فيه كلام إنقال عن هالقائد أستحي أتكلم فيه ياجماعة الخير أكاد أكون صادق إن قلتلكم المعهد بظلام دامس لحد ما جاه هالقائد صحيح إن الرجال كرفنا بالمعهد وطلع ريحتنا لكن بكل جد إستطاع إنه يحول فشل للمعهد دام أكثر من 14 سنه إلى نجاح باهر ..... عموما أتخيل وأتوقع والله أعلم إن اللي كتبوا عن اللواء محمد إن كانو من المعهد فهم غير منصفين للرجل وخلطو بين قوة الرجل القياديه وبين إنصافه يعني ما حكموا على الرجال بهالحكم إلا بتأثير مؤثرااات
...أقصد كون الرجل عملي وقيادي وحرم الكثييير من الضباط ومن الافراد ومن المدنيين داخل المعهد حرمهم من النوم اللي كان يصير عند القاده السابقين واول من إنحرم من النوم والغياب واللعب بالدوااام أنا بس الحمد لله قد ما أتذمر بعض المرات من الجديه بالعمل إلا إني أنبسط واقول الحمد لله دام كل الناس بالمعهد تعمل حنا بخير؟؟؟؟؟
أجل ياجماعه أحد يصدق هالخزعبلات وهالخرفات اللي إنقالت بحق الرجال ... وللمعلوميه تبا ثم تبا لقائد المعهد اللواء محمد نعم تبا لك ياللواء محمد إن كنت قد تسببت في قتل زميلي صالح المطيري( الله يرحمه). لكني أعلم وبحكم عملي بالمعهد وبكوني ضابطا وزميلا لصالح المطيري أن اللواء محمد كان بريئ من هالكلااام ولم يتسبب ولا واحد بالميه في قتل زميلي صالح (الله يرحمه).
أبشرك ياللواء محمد أن هذا إبتلاء لك من الله فعليك بالصبر. فبدلا من أن تعزى في وفاة ضابط من ضباطك ترمى عليك التهم(الله المستعااان).
وثق تقة تامه أنك مأجووور.....فالرسول (صلى) لم يسلم من الرمي بالقول والفعل ولكنه صبر فاجعل قدوتك محمد.
بالنهايه أحب أقولكم والله العظيم ماتكلمت إلا بالصدق .. وبعدين موت السكته كثير ...يعني لا تصطادون بالماء العكر...وترى كل شخص يخط قلمه حرف واحد ترى الله سبحانه وتعالى لن يغفله إن كان خيرا فله الاجر وإن كان شرا وكذبا وبهتانا وزعزعة فالله أولى به وبحسابه
معليش ياجماعة الخير طولت عليكم بس والله للتوضيح الحق.