ليش مو أي أحد نقدر نقوله أسرارنا وهمومنا ؟ لأنه مو أي أحد يحسسنا بأمان وإحنا نشكيله . و راحتك في الكلام والتعبير عن اللي بخاطرك تعتبر من الأمان . وهنا سر الطبخة .. تبغي تتقربي من أمك , صاحبتك أو زوجك أو أي شخص وتحتويه ؟ .. و بدووون مايحس انك متطفلة و مزعجة ! .. تابعي هالخطوات .. 1- استغلي الشكوى . لما تحسيه متضاايق من شي وجاي يقولك ..( شفتي فلانة وش سوت .. أبوي هاوشني .. تضاربت انا وفلان )... الشكاوي الصغيرة هذي ابدأي فيها اسمعيها كلها .. وزي ماقلنا اسألي أسئلة عشان يحس باهتمام . ( طيب ليش سوا كذا ؟ .. انتي متأكدة من اللي صاير ؟ .. ليه ؟؟ انت ماسويت شي .. ) ولاااا تتأففي أبداً أبداً من الشكوى .. ( يووووه رجعنا ثااني للسااالفة ... خلاااااص مالي شغل انتي وياها سوو اللي تبونه ..) . لو تأففتي بيبطل يشكيلك وبعدين إذا بطل يشكيلك بتقولي ليييه ماعدت تقوولي شييي ؟ - انا هنا اتكلم بصيغة المذكر وأقصد بصفة عامة 2- في المشاااكل لاتعطي حلــووول أبداً . هذا حوار مررره بسيط بينك انتي * وبنت خالتك – - يالله أحس اني سمنت عن أول بكثيــر * أيـه مرره بااين عليك .. طيب ليه ماتسجلين معاي في النادي ؟ - ودي بس مافي أحد يوديـني =( * طيب خلي أخوك يوديك ؟ ماعنده شي - ههههههه تنكتين انتي .. اففف والله صدق زهقت من هالشحوووم وزني بيوصل للستين .. * اشربي زنجبيـل مرره يمدحونه يذوب الشحوم . - لااا مااااحبه حاااااار . * أجل سوي رياضة ولاتاكلين . - ماااينفع في البيت رياضة أكسل و مالي خلق وبعدين اموووت عالأكل ماا أقدر أقاااااومه . * وش تبيني أسويلك يعني ؟ نادي محد يوديك .. الزنجبيل حاار .. سوي رياضة .. مالي خلق.. ترا حيرتيني معك ! - ( تفاجئت من رد الفعل وحز بخاطرها ) هذا النمط من الحوارات دايما نواجهه .. لما الوحدة تسوي نفسها فوزية الدريع وهاتك نصايح وحلول .. مع انه مثال بسيط ويومي بس لو قستي عليه مشاكلك بتعرفي انه أثره على كبير على نفسك . يعني .. انتي هدفك من لما تشتكي لشخص ..إنك تفضفضي وتطلعي اللي بقلبك .. ماتبغيه يقولك سوي ولاتسوي ( ماتبغي حل ) بس تبغيه يسمعك ويتعاطف معاكي . حتى انتي لاحظيها في نفسك لما أحد بيعطيك حل لمشكلتك ( واللي هي بالأصح فضفضتك ) .. تقاومي الحلول .. ( لااا مااينفع انا سويت كذا وكذاا ولاا نفع شي .. انا جربت كل شي أقووولك .. لاتحااولين مافي فايدة ) جوا نفسك تصرررخي ( اسمعييييني وبسسسس ) وبتعصبي زيادة وتحسي ان اللي قدامك مو فاااهمك ولا معطيك حرية في الكلام .
الخلاصة : لما أحد يشكيلك خلي في بالك انه ماجاك عشان يبغى منك الحل ! افتحيله قلبك واذآنك .. اسمعيله للنهاية وطالعي في عيونه .. اسأليه لو خلص (كل) اللي في قلبه .. بعدين أعطيه رأيك بالموضوع . انتبهي تنطي عليه من البداية وتعطيه حل . تابعي الموضوع بعد ..
الخلاصة : لما أحد يشكيلك خلي في بالك انه ماجاك عشان يبغى منك الحل ! افتحيله قلبك واذآنك .. اسمعيله للنهاية وطالعي في عيونه .. اسأليه لو خلص (كل) اللي في قلبه .. بعدين أعطيه رأيك بالموضوع . انتبهي تنطي عليه من البداية وتعطيه حل .