بسم الله الرحمن الرحيم
أي احبك بس مابي اتزوج ؟؟
مليون كويسشن مااارك ورا هذي الجمله؟
شو يعني احبك وتحبني بس ماتفكر تتزوجني؟؟
حبايبي هذا مشكله وظاهره موجوده في مجتمعنا وبقووووه بعد
تخيلووو الوضع معاي
بنت وولد تعرفو على بعض... صداقه .... احترام ..... اعجاب..... وطبعا في النهايه تطور الموضوع الى حب ومو أي حب.... حب طاهر ... صادق... عذري
انا اتكلم عن الحب الصادق...
طيب انت تحبها وهي تحبك وبعدين؟؟
شو نهاية هذا الحب؟؟
زواج ام فراق؟؟
الولد: انا مافكر في الزواج اللحين
البنت: ليش؟؟!!!
الولد: ابغى اعدل وضعي يمكن بعد اربع او خمس سنوات افكر في الزواج
التعليق: الولد قال افكر في الزواج ماقال للبنت ابيك انتي تكوني شريكه حياتي
طيب لحظه انت ليش تحبها؟
ليش خليتها تحبك وتتعلق فيك؟
طيب خلينا نحلل الوضع انا وياكم شوي:
بعدل وضعي؟؟ الى متى طيب او شو بتعدل وضعك؟؟ وكم الفتره اللي بتقعد فيها تعدل وضعك؟؟
سنه اثنين ثلاث طيب انت مافكرت ان البنت ممكن يتقدم لها العريس والاثنين والثلاثه
مافكرت انها ممكن ترفضهم عشانك وفي النهايه يمكن مو هي اللي تبيها عروستك
((اسعى ياعبدي وانا الرزاق))
وصدقني اذا تبي الحاجه بالحلال الله يفتح لك الف باب للرزق
حاجه ثانيه
تركت البنت وعدلت وضعك زي ماتقول وجيت للماما وقلت لها ياماما انا اللحين خلاص مستعد تخطبين لي
خطبت لك الماما اكتشفت في فتره الخطوبه ان البنت ماتناسبك تحصل وبكثره هاليومين لا تقولون ماتحصل
ممكن تصير مشاكل وتفك الخطبه وممكن تكابر وتستمر وتتزوج وبعدين؟؟ تعيش مع وحده مي عاجبتك؟؟ او ماتناسبك؟؟
تتوقعون شو راح يصير اقل حاجه يازواج ثاني ياخيانه!!!
وتتوقعون شنو اكثر اسباب حالات الطلاق في مجتمعنا طبعا الخياااانه!!!
حاجه ثالثه
ممكن تفكير الولد هذي البنت اللي تعرفت عليها مو غريبه انها متعرفه قبلي على واحد ولا اثنين وحبتهم!!!
طيب وانا اقولك وهذي البنت اللي خطبتها لك الماما ماتتوقع انها متعرفه قبلك على واحد ولا اثنين ولا حتى عشره؟؟
تصير لا تقولون ماتصير
جمله اخيره دايما في بالي اقولها لكل المحبين من شباب وبنات
الحب في الله حب يبدأ في نور ويعيش في نور وينتهي في نور