وعلى طاري البالتوك
صار لي موقف طريف في أوائل عهدي به
سجلت باسم خالد (ورقم ما أدري كم) وهذا اسم أخوي
ودخلت غرفة فيها المدير صاحبها
وما كان بالغرفة إلا أنا وواحد ثاني
فتفاجأت بالمدير (أنا في هاللحظة ما أدري وشو المدير ولا أدري وين هو به )
تفاجأت بالمدير يقول:
مرحبا يا أخ خالد .. وش تبي نحط لك تسمعه ؟ محاضرة والا نشيد ؟
أنا انهبلت وقلت ذا من وين طلع لي ..!
وتوقعت إن الرجال داخل الشاشة << إمحق من ديره
وطبعا ما كان عندي لاقط حتى أرد
وأصلا ما أدري وشلون أرد ولا أدري وين الله حاطن
تدري وش سويت ؟
بديت أكلم الرجال من سماعات الجهاز
وأقوله أنت الحين تشوفني والا لأ ؟
ويوم ما رد عليّ
طلعت من البالتوك وطفيت الجهاز وما تشوف إلا غباري
خفت من إنه يكون فايروس << ما أدري وش هو الفايروس من أول
والا يكون هاكرز
ودمتم في رعاية الله