[lipton.]

اقتباس: مشكووووووور ليبتون على تغطيتك المميزة.

اقتباس: )) 8 8 8 100% هلالي ---------- --------------- .. ياحبني لكم واحد واحد .. ويتدبل الحب أكثر وأكثر لكل الهلاليين والهلاليين فقط .. ياربيييييه أضيع أنا بهالمواقف .. خلوني أبارك لكم بس .. ألف مليون تريلون مبروك .. كأس جديد وأولويه جديده بالموسم الجديد ولكن لا جديد ليس الغريب أن نسمع كلمة مبروك إنما الغريب أن نسمع كلمة هارد لك .. يمكن ينط لي واحد منكم ويقول لا يا إحسااس ما الغريب الا الشيطان .. راح أقول له والله انك نشبه يا غالي ولا يهمك هارد لك والشيطان أطلق الفرنسي صافرته معلناَ إنتهاء المباراة .. وقام كل هلالي وشغل سيارته وراح بيته ونام ليش كذا يا هلال ؟ قسم بالله انك ما تنعطى وجه .. ياخي اجحدنا سنه سنتين .. ثلاث .. ياخي حسسنا بروعة البطولات .. غيرنا لا منه أخذ بطولة وحتى لو كانت وديه راح يسوي مسيرة وموكب وسهره حتى الصباح .. !! لكن للأسف نحن محرومون .. نأخذ البطولة فنذهب للنوم ولا نحس بفرحة هستيرية .. !! يا هلال اثقل تراهم يقولون : إذا كان صاحبك عسل لا تلحسه كله ..!! لكن للأسف هلالكم ما ينعطى وجه .. شاف البطولات عسل قام لحس أبو مندوبها .. الحرمان في عالم الأندية السعوديه هو نوعان :- 1- حرمان من البطولات :- وهذا حرمان يعانيه 11 نادي سعودي بسبب تسلط الأزرق .. !! 2- حرمان من طعم الفرح بالبطولات : وهذا خاص بجمهور الهلال الذي ألف البطولة وألفته فأصبحت عنده وكأنها مبارايات ثلاث نقاط .. أجل ما تدرون إن بكره فيه تدريب ..!! كبير أنت يا هلالي .. تترنح في بطوله وتروح منك ..ويبدأون الشماتة بك .. فسرعان ماتصفعهم ببطولة فإذا هم خامدون !! ها أنت يا زعيم فعلت قمر الصناعي الخطير .. وشفرت فيه كل البطولات تحت مسمى : هلال سات وكيفية الوصول إليه سهله لا بكروت مبرمجه ولا باسيفرات دي إس إل مهندسه .. شجع بعقل وبضمير تلقى الزعيم يقصي الجميع .. وبدأ الموسم وذهبت منه بطوله تزكيه وبطوله في خزينتك .. جميل ورائع أنت أيها الأزرق .. تفوز فيفرح نصف الوطن ..جمعت قلوب العشاق على حبك .. لن أقول تابعت في الخشبيه السعوديه رجلاَ أتى من تبوك ..وآخر أتى من الظهران .. وآخر أتى من نجران .. لا لكن سأقول لكم ما رأيته بعيني في الشاشه وعلى مضمار الملعب : رأيت شباباَ أتوا من الكويت براً .. وآخر لا يتجاوز عمره ال18 أتى من دار زايد وآخر حظر من الدوحه والكثير من أبناء البحرين )) يا هلال جمعت العشاق من كل مكان أحبك الجميع فأسعدت الجميع .. أتعبتني بحبك يا هلال .. بل وأعجزتني حتى عن التغني بك وإعطاءك بعض ما تستحق .. ------------------------------------ عريس البطولة هالمرة.. المفرج يا فرحة الهيئه : لم أنتقد فهد في فترة سابقه إلا لأنني ببساطه : أحبه يا ساده ...! لاعب مجتهد .. خلوق .. مأدب .. يحرجك بحظوره للتدريب .. يحب الهلال بقسوه فهو ولد ونشأ وترعرع بين أحضان هذا الكيان .. أخطائه كثرت فانتقداه وطالبناه بالتواجد في الدكه ليكون سبير أصلي .. فيكفي حبه لكل ما هو أزرق .. وفدائاته اللا معدوده .. !! لكن :- في مباراة النهائي كان واضح من بداية المباراة أن المفرج " حاط " عجب والشمراني في راسه .. منذ الدقيقه العاشرة وانا أقول لأخواني : إن كان فيه هدف شبابي فالمفرج لن يتحمله .. أخذ المقاتل الزوري الكرة وتخطى أحد أبناء عطيف ورفع رأسه فرأى توأمه في الدفاع المفرج داخل الصندوق .. وبلعبة يساريه منه وصلت الكرة إلى فهد .. وهنا : أبتدأ الدرس " المفرجي " قام كل من حولي وصرخوا : خلااااااااااها لياااااااسر لكن الاخ المفرج الله لايهينه كان باله طويل من جد .. وحب يراضي الهلالين بطريقته الخاصه ويعيد عقد الوفاق وعقد المحبه وجحدنا ولا جلاها صرخ البعض منهم : خلاهاااااا تكفىىى !! أيضا الأخ فهد المفرج مارس التطنيش وترك الصرخات عن سامعيه وبدأ بتفنن في التراجع لتحديد وجهة الكره .. تقدم المفرج قليلاَ .. لاعبين شبابين اثنين ينتظرون يضربها براسه عشان يسون هجمه مرتده سريعه الحارس في مرماه مستعد وبدأ يوجه عجيب وعطيف لأخذ أماكن سريعه لبدأ الهجمه المرتده المتوقعه .. الجماهير واقفه على أعصابها بما فيهم أنا أبوي ونحن ننتظر تجليت الكوره لياسر .. ولكن يا لسخرية القدر يا أعزائي .. نعم .. نعم يالسخرية القدر !! أبو الفرج " سحب " علينا كلنا واستغفلنا أجمعين .. بما فيهم أنا وأبوي و40 ألف متفرج وملايين المشاهدين بالاضافة للدفاع والحارس الشبابي ,, كل هؤلاء راحوا شربة مويه مع فهد المفرج .. لا هو اللي ( خلاها لياسر ) ولا هو اللي ( رجع مكانه وترك الاستهبال اللي موب على سنع ) .. فقط بضربه خطافيه في الزاويه اليمين لم يتوقعها الا المفرج نفسه .. أرسلها في أقصى مرمى ولييد وولجت الشباك يا مفرج .. شكلك لو إنك لاعب من بداية الدوري كان صرت الهداف ثلاث أو أربع ثواني مرت علينا ونحن نشاهد الشباك تهتز والهدف أتى ولم نحرك ساكن .. مييييين المفرج ..!! فجأة استوعبنا الموضوع وقمنا نحضن بعض ونقول: هييييييه قوووووول ! ما أقول لكم إننا رحنا غلطه مع ( مخ ) و ( عقل ) هالمفرج .. ------------------------------ هلاليات .. : ** عبدالرحمن بن مساعد .. ماراح أجاملك لكن بأقول الحق , والله لأول مرة أشوف رئيس نادي شعبيته تنافس شعبية نوادي ! دخل الملعب للسلام على الجمهور فهاج الملعب وماجت الكاميرات لأصطياده .. وكأن الهلال أحرز هدف .. مع العلم ان المباراة لم تبدأ ..!! القادم مذهل معك .. !! ** أبو مساعد يفرح مع هلاله بالكؤؤس . والبلطان والبلوي حظهم منحوس .. ** المفرج أنقذ المرمى من هدف محقق .. ومارس حبه الأزرق بكل فدائية وكان في نظري من اهم نجوم المباراة .. ** حكم متقاعد يقود نهائي معترف به دولياً .. يآآآ للهول يآآآ للعار يا هبالك يا سطان .. !! أنا من يوم شفته أغفل الضربه الجزائيه الهلاليه في الدقائق الأولى قلت شكله متقاعد ونسى حاجه في الكوره إسمها ركلة جزاء .. وتكرر الموقف بعدها مرتان .. !! وأيقنت بعدها إنه ناسي من جد ويبي له أحد ينزل يذكره !! حتى المفرج يقولون ما جاب الهدف إلا بعد ما دار هالحوار التالي بينهم : المفرج : يا حكم كم باقي على ركلات الجزاء .. رد المتقاعد : .. وش ما سمعت وش ذي بأي لعبه .. ههههههههه ما فيه جزاء ياخي قديم أنت (( وركض ضاحكاً على سخافة المفرج )) فجن جنون فهد المفرج وحسب الدعوه إن استمرت كذا بدون أهداف بيقلبونها قرعه .. لأن تعرفون المفرج ما لعب له سبعه شهور فما كان منه إلا أن يتقدم ليحرز الهدف لفريقه ما قلت لكم إنه فلته .. ! ** الخثران في اليمنى واليسرى .. وبدال التايب .. مجنون أنت يا كوزمين !! عبدالعزيز الخثران مقاتل .. ضعه في اي مكان في الملعب وخذ ولد .. وفوق هذا كله ملتزم وخلوق .. يعني إنسان فل كامل ** خالد عزيز .. رادوي .. عملان لوجهة واحده اللعب للشعار والقتال لنيل الكاس .. أثبتوا ان الاصرار والروح والانظباط والجهد المتواصل هي وصفة النجوميه .. !! ** التايب .. ويلي .. ثنائي أصبحت أتأفف من إطلاق كلمة اجانب عليهم هؤلاء مواطنون يا ساده هؤلاء تربوا في الهلال إن لم أكن مخطئاَ .. روح تندر ان تجدها في لاعب محلي فكيف بأجنبي .. روح مقرونة بمستويات .. وأعتقد أن التجديد لهم ضربه موجعه للصحافة وخصوم الهلال بالمناسبه وش رايكم في لقبي الجديد على ويلي: المنجنيق ,, غريبة الكرة وهي تخرج من قدمه .. تخرج بسرعه فائقة ومركزة تتلذذ بها وكأنك تأكل قطعة حلوى (( تكفى يا إحساااااااس لا عاد توصف )) ** سامي الجابر نزل الى الملعب فكادت خيام الملعب أن تسقط على أم رؤؤسنا بسبب الترحيب والهوس الجماهيري بهذا اللاعب ,, هنيئاَ لك الحب يا سامي . ** القحطاني ياسر , هالمرة ما أطلقت عليه لقب . لكن أبوي الله يخليه هو اللي تهور وعطاه لقب يقول ان لقب ياسر : الحية ! يغرك منظره وتقول ناعم أو مو حق كورة .. لكن ينشب لمرسول المدافعين نشبه .. تحسون إنه وااجد لحاله وتلقاه محاصر أربعة مدافعين .. ياحبني له والله أبو قحط ** الدعيع محمد بإختصار : أحبك يا أســـد .. قسم بالله حرام ما يرجع للمنتخب لما لا .. معه شهدنا أنواع التتويجات . وقف سداً منيعا في وجه كل الفرق , وأمام معاذ صاحب القدم القويه تصدى له بكل اتقان .. في أكثر من محاوله خطره .. !! ------------------------------------------- همسة .. : اما أخوكم برق الوسم .. فقد نقز وجاب عشا له بعد المباراه وكان وده يتعشى بجوار الاستاد ولكن حرارته على أعتاب الاربعين .. غاب عنكم في حفلة الديربي الأخيره .. وأبى الا ان يبارك لكم اليوم ويصافحكم بهذا المقال المتواضع .. أكتب لكم واللاب توب فوق صدري وانا طريح فراشي وأعتذر إن ( خنبقت ) أعلاه لأني ما أدري وش كتبت ! مبروكين واستروا ماواجهتوا تصبحون على خير

العفو اخوي برق..

وصراحه شيء محزن.!!

الرئيس والده صحته سيئه..

والنائب ولدهـ صحته سيئه..الله يشفيهم ان شاء الله..

ومدرب ما فيه..!!

من أخذنا كاس ولي العهد وحنى مترقعين..!!

حظ بـــايخ..!!

لاكن الحمدلله على كل حال ..

والف مبروك الفوز,,,