{{{ لاتــــــودعـــــــ ن ــــــي }}}...
أحس اليوم أنفاسي تهز الشوق بضلوعي
عسى يغفى الم قلبي على بعدك وفقدانك
حبيبي لا تودعني اخاف ان ذابت ادموعي
تحن ودمعتي تطفي شروق الشمس بعيانك
انا يومي رضيت ابعد حبيبي ما هو ابطوعي
ظروف الوقت تجبرني اذوق الموت من شانك
طلبتك مركبك يجدف رحيله من وهن كوعي
ابي لآخر نفس فيني يدق القلب ما خانك
وعد لوفي لك الذكرى ولو زاد الحزن لوعي
وعد لحرق لك الدنيا واعيش بروعة الوانك
تغيب وتضوي اللهفة بقايا عتمة اشموعي
الين اتعود يا روح القصيد لنبض وجدانك
فمان الله يا كلي يا أغلى الناس و ربوعي
فمان اللي يفرج خاطرك لو ضاق حرمانك
بترحل؟لكن احلف لك ليا زاد الشقا جوعي
تصير بصدرك (الشبعه) واجيك الوم هجرانك...
هــذي القصيـده للشـــاعره {{ دمــوع الغيــد }}..
تعجبنــي كتاباتهـــا وأسلوبهــا بالطـــرح ,,,