[عـبدالله بـريدة]

<<< جاء يبي يسبحن

طبعا كل عشر اسطور فيها كلمه صح والباقي بهارات

وعلشان مايروح اتعبي وكتبي على الفاضي وينحذف ابخليها حلقات وعلشان ماحد يزهق

الحلقــه الأولـــى <<< والله من السباحين

نبداء

قبل كم سنه جلسنا انا وثلاثه من الشباب باليل سواليف
وبعد المشاورات بيننا

قررنا اننا نسافر لمـصر <<< شلة خراب

كان المقصد اننا انتمشى ونغير جو فقط <<< أيه هين

المهم اتفقنا بيوم محدد على السفر مع ترتيب اجازات من الدوام

والأهم تصريف أهلنا وأمهاتنا

جاء اليوم المحدد وانا من مبطي املمح لأمي وخواتي أني عندي دوره بمــدينة الطائـف بخصـوص العمل ومن هالكـلام علشان اذا قلت لهم تراي ابمشي مايتفاجئون

جيت الظهر لأمي ووقلت لها ابمشي اليوم العصر
أومير ترفع يدينها للسماء وقالت يالله انك تستر على وليدي عبدالله وتوفقه <<< دخلنا عواطف

المهم واركب مع العيال ونروح لشارع الخبيب نبي نشري سراويل وفانيل حقات كوره لأننا كلنا ماحنب راعين كوره ولا لنا خلق التكميلات والخرابيط

وأشري سروال جنز وفنيله حمراء وقبوع وكرفته <<< صار مزيون بس الشظاف بمحله

الكرفته تراه يحسبها لازم تلبس

المهم حطيته بباغه حقت العثيم لأنه فشيله البسهن ببريده لو يشوفن احد من العيال أو اخطم باحد العيـر ويشوفونن اخوتي سان قالوا وش جاه انهبل

والمهم ونركب السياره ونمشي المغرب
ومشغلين اغنية الفنان عبد الرب ادريس الي يقول
طارة الطيارة صوب البلاد البعيده
والقلب شاعل بناره على حبيب يريده
هههههههههههه وناااااااااسه

المهم

وكلنا عيوننا بالطريق مته بس نوصل العبــاره ونقطع البحر الأحمر

انتهــت الحلقــه التكمله في الحلقه القادمه

واااوك وش هالمخرج

الحلقــه الثانيــه غــدا انشاء الله