يناظرني بطرف عينه يقول : الأخت مغروره ..؟
و اقول له مو هذاك الزود و لكن.. يعني / اشويه ..!!
صحيح إن الله خالقني .. كذا حلوه و أموره ..!!
و فيني من جمال الحور وصف منها و ماريه ..!!
و صحيح إني إذا مريت مكان تحوشه الدوره
يدوخ / يطيح من حيله و يصبح عند رجليه
لامرت أيدي فوق الثلج .. يذوب الثلج بالفوره
و يصبح من بروده نار .. كذا من لمسة ايديه
و لا منه لمحنى الورد حقد هالورد بعطوره
يقول : شلون عطور الورد تمشى بهيئة أبنيه ..؟!
تصدق أصدر ابشكلي .. بيانه مجلس الشوره
و أجمع في بيانه بي " غزال بوسط محميه " ...!!
يقول من الفضا بنشوف حد الصين مع سوره
و اقوله يا عطف ربي .. ما شافوا لسه عينيه ..!!
إذا وقفت جنب السور و قاموا التقطوا الصوره
تصير الصين اسمها " طين " و أنا فطوم شعبيه ..!!
تنحى من الحكم و اذعن .. رئيسه و أمبراطوره ..!!
عجايب ربي خالقها ... بعيني ذي مع ذيه ..!!
يحلفني العسل ما اقرب هذاك الشهد ..ما زوره
يقول انه حكي لساني منافس له بجديه ..!!
ما هوب غرور حشى لله و لكن صدق .. عصفوره
إلي جنحان من حلمي .. على شوية رومنسيه
أعشق العشق من صغري .. لذا أنتجت دستوره ..!!
ورتبت المبادئ به .. وفاء مع صافي النيه ..!!
تبيني أختصر وصفي ... أنا و الله أسطوره ...!!
عروقي جامعه الثنتين .. عسيريه / قصيميه ..!!
تصدق عاد شفت الأرض .. لقالوا وين أم نوره ؟!
يأشر رملها للغيم .. يقول : هنااااك مقصيه .
تصدق معجبه ابنفسي .. أنا و ابنفسي مبهوره
أجل وشلون ألوم الناس لقالوا ما حدٍ زيه
للشاعــــره {{ فاطـــمة المشيقــح }}