خُيّل إليّ ( إني المّ جروحي )
عفواً..! كذا أصلا مُحال
.
خُيّل إليّ ( اقدر المّ جروحي )
نعم..! كذا مر الخيال
.
واني على الترحال قادر
كل مافي المسأله؟ صمتي
واغادر
.
( هنا وصل بي..! ثم غفيت )
وصحّاني صوت عتاب قلبي :
( مَ استحيت )
.
وشلون ياصل بك هناك !
والحب هو اللي بناك !
.
قلت: ( المشاعر بارده )
وانا كياني فارده
على جليد
محتاج للحب الجديد
بس هاه
لا تفهم غلط
ابي من الحب التليد
يتجدد وناره تقيد
.ابي دفاه
ولا افكّر في سواه
عاد انت قل له
( ليه قصّر في عطاه )
.
وأعطى إلـ شياطين الغرام
مفتاح وسوستي ونام
بالله هذا مو حرام
بالله هذا مو حرام
.
مدري إلى وين راح آصل معه .. مدري
............لاقلت مشتاق .. قال الموعد الثاني
واجي على الوقت للموعد مَ أجي بدري !
............لنّي لو آغيب .. يمكن ما تباطاني !
ارخى المشاعر .. ولكن! رافعٍ قدري
............وشلون برحل .. وهو يهتم في شاني
............وشلون برحل .. وهو يهتم في شاني
عاد أنت قل له :
دام ( المشاعر بارده )
أوقد لها الحب وتقيد
أوقد لها الشوق وتقيد
.