ابي أسولف عليك عن الغلا والغرام
قصة مالها بالوقت هذا مثيل
أبي أقول الهوى كنه بريح الهيام
مركب والشراع من العواصف يميل
أبي أتمتم وأبقراء لك حروف وكلام
يمكن انه على المفهوم وألا أطيل
هن حروف تسابق يم قلبك ...حمام
شال صوته يغني لأجل عينك بليل
ياحنان الزمان اليوم كله ملآلآآلآم
لاوصلت الحشا لك لا ولاجبت خيل
مثل ماني جريح الوجد وسط الظلام
من نصيتك وأنا اللي هارب من الرحيل
فيك يمكن لقيت أو مالقيت المرام
لكن الروح راحت وأنت تبغى دليل
فدوتك روح عاشق به نصبت الخيام
لأجل تسكن بها بيت ومكان ظليل
آآه من لوعتي لأغبت وسط الزحام
والله إني أخيلك بينهم يالخليل
الوجع ساكني والموت يلقى حطام
والبقايا تبيك ولاتبي لك بديل
أستر الجسم وألبس من ثياب جسام
خايف الجرح يفضح مابجسم النحيل
أهتي لو سمعها الصم ردوا.....حرااام
وونتي لو يحسه صبح ماجاك ليل
أنفض أنفاس عمري في كفوفك سلام
وأكتب الحب عبره يامداها الطويل
لك00حبيبتي انا لك ياجنون الغرام
ولك غلا ياغلاي ولالحبك مثيل
<<اهداء لجميع صديقاتي الغاليات ....