البس جزمه جلد طبيعي ، وشراب ماركه عالي المواصفات مو شراب خامته بلاستيك لو جاه حر يذوب بلاستك
وكل مره تغسل للصلاة وسنة الضحى شيل الجزمه واغسل قدمك بصابون ديتول وبدل الشراب أو صل إذا نشفت قدمك البسه
أو كيفك مو لازم تشيل الشراب أهم شيء لاتلبس الجزمه وشرابك رطب
ومن ثم اشتر ثلاث جزم ، وكرتونين شرابات
غير الجزمه مرتين والشراب ثلاث مرات
وآخر الاسبوع اغسلهن بشامبو أمينو ونقعهن بلينور داوني
للاسبوع الثاني .
مو بس الشرابات أنتم يا الرجال تعفنون في الفنايل والملابس الداخليه المفروض تغير حتى فنيلتك وملابسك مرتين تلبس الفجر جديده والظهر بعد ما تطلع أو العصر أو الليل
وأيضا غسل سنع وينقعن بلينور
يبقى شيء ما احتطنا له أن الكبد عندك تلفان شوي لو تدخن أو أكلك مو صحي
لذا ينبعث منك روائح كريهه في عرق رجولك وجسمك بصفه عامه
لذا اشتر (الحرشوف ، أو الخرشوف ، أو الكعيب ، أو عشبة النصارى ، أو عشبة مريم )
تنظف الكبد ويتغير رائحة عرق قدمك للأفضل .