ماهي لله جيتك يوم جيتي
أكيد قصدك تجرحين وتروحين
ياما جرحتيني وياما قسيتي
وياما صبرت وقلت يمكن تحسين
كنت افرح بحكيك الين حكيتي
وأقول في نفسي سوالف محبين
ويفز لك قلبي متى ما شكيتي
ومن طيبتي اصدق انك تعانين
شريت حبك واحسب انك شريتي
لقيتك لصدق المشاعر تبيعين
كنت احسب انك كثر حبي هويتي
الظاهر انك ماعرفتي تحبين
والحين قولي لي وش اللي بغيتي
مايكفيني انك خادعتني من سنين
قولي وش اللي ناقصك ماخذيتي
اخذتي الكثير وماقدرتي تردين
ان كان حكيي ضايقك واستحيتي
لو تسمحين الحين ودي تروحين